Kort historikk
Landslaget for Spelemenn vart skipa i 1923, som eit særlag i Noregs
Ungdomslag.
Heilt frå starten ville laget gje ut eit eige lagsblad, men det
vart berre med ei fast spalte i bladet til NU Norsk Ungdom.
Då laget kom i fastare former etter nokre vanskelege år i 1939,
vart det fart i arbeidet med å planleggje eit blad. Det var særleg
medlemer i Laget for Folkemusikk i Oslo som var sentrale i dette
arbeidet. Det første nummeret kom i juni 1941. Det var skreve på
maskin og stensilert i 250 eksemplar. Det var leiaren i LfS Leif Sem
frå Heddal og Kåre Solheim frå Gjerstad i Aust-Agder som
stod i brodden. Neste nummeret kom ved juletider same året, men så
sette tyskarane ein stopp for verksemda også i LfS.
Etter krigen kom arbeidet med LfS og Spelemannsbladet relativt raskt
i gang att, og hausten 46 var Oslo-guten Leif Løchen i gang med
bladet, og hausten 46 kom eit fyldig nummer. Året etter kom to
fyldige nummer.
I 1948 kom Spelemannsbladet med profesjonell trykk-kvalitet frå
Telnes Trykkeri på Notodden med 2 nummer og i 1949 5 nummer. I 1950
tok Henrik Gjellesvik over som bladstyrar
I 1951 flytta Spelemannsbladet ut av hovudstaden, idet lærar
Torleiv Tveito tok over som bladstyrar, og saman med kona Olaug
prega dei bladet med korte avbrot i 20 år framover.
Frå 1948 til 1953 var John Tjønn på Notodden forretningsførar,
då Knut Trydal i Oslo overtok.
Bladet passerte 1000 i opplag i 1954 og frå 1953 kosta det kr 10 i
året og jamt var det 6 nummer per år. I 1972 var opplaget kome opp
i 1700. |
| |
|
Bladstyrarar
1941 Leif Sem
1946-49 Leif Løchen
1950 Henrik Gjellesvik
1951-54 Torleiv Tveito
1955-56 Leif Sem
1957-60 Torleiv Tveito
1961-62 Johan Krogsæter
1963-66 Torleiv Tveito
1966-72 Olaug Tveito
1973-75 Ola Grøsland
1976-77 Birgit Døvre
1978-87 Gunnar Stubseid
1988-94 Trond -Ole Haug
1994-96 Arild Hogsnes
1997- Kjell Bitustøyl |
|
|