Nyheter om Folkemusikk, Folkedans og Bunader

På Osterøy spelar alle torader!
På Osterøy er det heile 70 unge som spelar torader, og no har norgesmeister Inge Gjevre vore der på kurs, og Bergens tidende har intervjua han og den vanlege læraren deira Linda Skjerping. Les meir her.
 (6/2-02)
Bransjetreffet "Norrsken" har blitt flytta til midten av mars.
Det nordiske bransjetreffet for folkemusikk og verdsmusikk er flytta frå februar til 14.-15. mars. Meir info får du her.
 (1/2-03)
Folkemusikkpøbben i Oslo med vårprogrammet
FolkemusikkSCENA - Oslo offentliggjerr programmet for FolkemusikkPØBBEN på Cordial Scene (Storgata 45). Billettene kostar kr 60, dørene åpner klokka 20.00 og konsertane startar 20.30. Det er mange spennande program: 17. februar Odd Nordstoga, 3. mars Flukt, 31. mars Helene Høye og Mari Eggen, 28. april Granlien/Røine/Høyvik/Skeie Ljones, 26. mai Gjermund Larsen. Alt er på måndarar. Meir om programmet her.
 (1/2-03)
Mange vil følgje etter gruppa Gåte, spår Hallvard Kvaale
Det er tydeleg at gruppa Gåte har vekt stor oppsikt i året som gjekk. Halvard Kvåle spår at det i tida som kjem blir mange grupper som på liknande måte vil bruke folkemusikken som grunnlag. Les meir om dette her. Les også intervju med jenta i Gåte Gunnhild Sundli som framleis likar å ha på seg den fine Orkdals-bunaden sin. Les om det her.
 (1/2-03)
Aagot Noss tildelt S. Olavs orden
Vi les at tidlegare førstekonservator ved Folkemuseeet Aagot Noss frå Hallingdal, busett i Oslo, har blitt til utnemnt til ridder 1. klasse av Den kongelege St. Olavs orden for sitt store arbeid innan folkedraktforskninga. Vi gratulerer!
 (30/1-02)
Hilmar Alexandersen-festival i Steinkjer siste helga i april
Dei har siktra seg Arve Tellefsen mellom dei som skal opptre, fortel prosjektleiaren Odd Sæheim i Bul, Steinkjer til Trønderavisa. Les meir her.
 (28/1-03)
Stor ungdomskonsert i Numedal
Numedal Spel- og dansarlag arrangerer stor konsert for unge utøvarar i folkemusikk, dans og kveding siste laurdagen i januar. Det skjer på Høgheim i Lyngdal. Det er meir enn 25 ungdomar påmeldt, melder Lågendalsposten. 
(28/1-03)
Norsk folkemusikk marknadsført i USA
I byrjinga av februar reiser Norsk Folkemusikkformidling til USA på Folk Alliance International Conference saman med duoen Jon Anders Halvorsen /Tore Bruvoll. Det er tredje året at NF er med på denne konferansen. Les meir her.
 (28/1-02)
Norsk Visearkiv feirar 20 år laurdag 25. januar 2003
Norsk Visearkiv har i det siste vorte kjende fdordi dei manglar pengar til drifta. I Ballade skriv leiaren for arkivet Velle Espeland litt om arkivet si stilling i dag.
 (26/1-02)
Frist for påmelding til Nordlek i Danmark er 1. februar
Nordlek 2003 er i Næstved i Danmark 8-13. juli. Fristen for å melde seg på nærmar seg raskt. Ringar og lag har no fått tilsendt ei omfattande brosjyre med opplysningar program etc. Les meir på heimesida til www.nordlek2003.dk .

 (26/1-02)
Majorstuen til topps i Oppland/Hedemark
Torsdag 23. januar fauk gruppa Majorstuen rett inn på 2. plass på NRK Hedemark/Oppland sin "ti i skuddet" med sin nye CD. Kan det bety at folkemusikken faktisk er i ferd med å bli folket sin musikk att? Det blir spennande å sjå om Majorstuen blir eit nytt "Gåte". Les meir her.

 (25/1-02)
Store forventningar til Majorstuen sin nye CD
Den nye CD'en har fått mykje fin presse. I samband med lanseringa har dei konsertar:
04.02.03            Plateslepp. Fryd, Oslo

07.02.03            Konsert. Flygelet, Lillehammer

08.02.03            Konsert. Briskeby Cafê, Fagernes

09.02.03            Konsert. Ole Bull Akademiet, Voss

10.02.03            Konsert. Columbi Egg, Bergen
"Norwegian fiddlers rule the world, and this CD is solid proof
" skriv mellom anna Cliff Furnald, cdRoots. Her kan du lese meir og høyre utdrag av CD'en.
 (23/1-02)

Norsk Folkemusikklag inviterer til seminar om folkedansen
Tema fdor seminaret er "Folkedansen - opp på scenen eller ut på golvet? - funksjoner arenaer og læringsprosesser".Det skjer i Trondheim frå fredag 14. februar til søndag 16. februar.  Vi får presentasjon av mange av dei prosjekta som har med scenisk folkedans å gjere. Mellom anna om  prosjektet "Fjordapuls", om Hardingfeleprosjektet, om sceneopplegget på "Gamaldansfestivalen i Melhus", danselærar Mats Nilsson snakkar om "Scenearbeid med folkedans og folkemusikk", Vigdis Espeland om "Identitet presentert gjennom musikk og dans", og Kjell Klausen om "Danseteater". Ja, her er det sanneleg mange interessante tema. Påmelding til seminaret ragnhild.knudsen@hit.no, tel. 35 95 29 19 innen 1.februar. Meir informasjon her.
 (23/1-02)
Unni Løvlid i sentrum i Aftenposten 23. januar
Unni Løvlid (26) var den første som tok eksamen i folkesong ved Musikkhøgskolen. Ho vil leve av å vere folkemusikar. I 1999 kom ho med plata "So ro liten tull", ho er med i gruppa "Rusk" saman med Frode Haltli og Vegar Vårdal og i "Fjøgl" med Liv Merete Kroken og Sigrid Moldestad. I år arbeider ho mellom anna med ei bok. Les intervjuet her.
 (23/1-02)
Nitelva - Spellemannslag med engelsk leiar
Laget Nitelva er eit nokså nytt spelemannslag i Nitedal - skipa i 2000, og leiaren Wendy Grant er frå England. Mange av dei andre i laget er også frå utlandet, Danmark, Sverike og Skottland. Les meir om spelemannslaget her.
 (23/1-02)
"Festspillene turne" deler ut kr 600 000 til turneverksemd frå Nord-Norge
Denne organisasjonen får litt pengar frå Staten til fordeling på frie grupper. Av fordelinga for 2003 ser vi at eit tiltak er innan folkemusikk. Det er Susanne Lundeng Band som får kr 40 000 til ein turne i Tyskland, der Susanne Lundeng gjorde stor suksess i 2002. Les meir her.
 (21/1-02)
Jorun Marie Kvernberg intervjua av Romsdals Budstikke
Jorun Marie går på Musikkhøgskolen og er med i "Majorstuen" som er plateaktuell i desse dagar. Ho har vakse opp i ei svært musikalsk familie, der broren Ola Kvernberg er mest kjent. Les intervjuet med henne her.
 (20/1-03)
Det er dødskult med folkedans!
Det fortel to unge jenter i Folkedanslaget Sølja til Hamar Dagblad. Det er ikkje så mang unge i ringen, men likevel trivst dei godt. Les meir her.
 (20/1-03)
Hedemark Juniorspelemannslag øver godt
Det er Marit Larsen og Thomas Westling som er leiarar for det unge spelemannslaget i Løten, og det lyder godt på øvingane fortel Hamar Dagblad.
 (20/1-03)
Kandidatane til Spellemannsprisen er klar
I kategorien Folkemusikk/Gamaldans er desse nominert: PER ANDERS BUEN GARNÅS "Åleine" NYRENNING, ANNBJØRG LIEN "Aliens Alive" GRAPPA MUSIKKFORLAG, ØYONN GROVEN MYHREN og ODD NORDSTOGA "Nivelkinn" HEILO. I kategorien Viser er ELIAS AKSELSEN "Hjemlandsklokker" VIA MUSIC nominert. MARI BOINE "Eight Seasons" UNIVERSAL er nominert i Open klasse og gruppa GÅTE "Jygri" WARNER MUSIC er nominert som "Årets nykommer". Sjå alle nominasjonane her.
 (18/1-03)
Vellukka nyttårskonsert på Kleppe i Vågå
Arve Moen Bergset, Per Sæmund Bjørkum og Jon Faukstad hadde ein fin julekonsert fortel GD. Verten på Kleppe Ingunn Munch synest det var så vellukka at det godt kan blir fleire konsertar seinare. Les meir her.
 (14/1-03) 
"Majorstuen"s tur i 2003? spør Aftenposten
Knut Utler i aftenposten skriv ein lang artikkel om gruppa "Majorstuen". Han peikar på at året 2002 var "Gåte " sitt år innan folckerocken, og lurer på om det i 2003 blir eit Majorstuen-år. Han gjev svært rosande omtale både av Majorstuen og dein nye CD'en som gruppa nyleg ga ut.
 (14/1-02)
Valle-elevar på turne i  USA
I byrjinga av januar er mange av elevane ved folkemusikklina i Valle på tur til Midtvesten i USA med eit progam med folkemusikk, folkedans, song og bunader.  Det er heile VK2 klassen (15 elevar) i musikk som er med på turen. Rektor Haugen vonar det kan bli ein tradisjon for skulen. Les meir her.
 (11/1-02)
Tilskot til musikkfestivalane for 2003
Tilskota frå Norsk Kulturråd er no offentleggjort. Tilskota er omtrent dei same som i fjor. Den Norske Folkemusikkveka er den einaste som får redusert tilskot. Størst auke har Jørn Hilme. Tilskota er: Den Norske Folkemusikkveka (Ål) kr 400 000, Førde Int. festival: kr 1 550 000, Jørn Hilme kr 150 000, Osafestivalen: kr 125 000, Telemarkfestivalen: kr 650 000, Viser ved kanalen: kr 100 000. Heile lista finn du her.
 (11/1-02)
Folkmusikhuset i Stockholm, ein svært aktiv institusjon
Programmet for tida framover viser at det skjer mykje innan folkemusikk og dans på Folkemusikhuset i Stockholm. Kurs av mange slag, konsertar etc. Her finn du meir.
 (11/1-02)
Folkemusikkpøbb i Bergen: Columbi Egg
Denne polulære pøbben er i gang igjen og programmet for våren 2003 ser spennande ut. Den vanlege møtedagen er måndagar, men også nokre laurdagar, og staden er Michels i Øvregaten 12. Mellom norske grupper i vår er Blåmann, Blåmann, Majorstuen og Flukt, og fleire utanlandske grupper. Heile programmet står her.
 (11/1-03)
Ensemblestøtten for 2003: Tradisjonsmusikk
Kulturrådet støttar i år 6 ensemble som driv med tradisjonsmusikk med kr 625 000. Det er kr 200 000 meir enn i fjor og 4 nye grupper er med. Av dei som driv med tradisjonell folkemusikk får Kvarts kr 100 000 og Rusk kr 75 000. Les meir her.
 (9/1-03
Rundsnuen Danselag - eit lite men aktivt lag i Oslo
Eit av dei yngste laga i Bygdelagssamskipnaden i Oslo er også eit av dei mest aktive. Dei har serleg satsa på gamaldans som den sentrale aktiviteten, i tillegg til nokre utvalde bygdedansar. Onsdag 8. januar startar dei danseøvingane sine (annankvar onsdag), og laurdag 11. januar har dei nyttårsfest med den kjente gruppa Kvarts. Du finn meir om Rundsnuen her.
 (7/1-03
Annbjørg Lien skal spele til fjells i Vågå
Gudbrandsdølen/Dagningen fortel i sin kulturkalender at Annbjørg Lien skal torsdagskvelden 24. juli sspele ved Gjende. Les meir her.
 (5/1-02)
Folkemusikkveka i Ål blir 25. mai -1. juni
Programmet for Folkekmusikkveka i Ål 2003 har som tema "nytt norsk - nytt svensk". Mellom dei gruppene som kjem  er svenske "Triakel" og "Sinklipass" som er ei kombinert musikk og dansegruppe. Også Magnus Stinnerbom og Daniel Sanden Warg  kjem, og gruppa "Lortbeckers". Av norske kan nemnast "Triispann" "Knut Heddis minne", "Tre begredelige piger", "Dalakopa", Nivelkinnforestillinga og anna. Jau, dette ser ut til å bli nok ei spennande folkemusikkveke. Les meir her.
 (5/1-03)
Fin julekonsert i Ringebu stavkyrkje
Kvartetten Helene Høye, Camilla Granlien, Per Anders Buen Garnås og Ingvill Marit Buen Garnås heldt ein fin folkemusikk-konsert i kyrkja, fortel Gudbrandsdølen/ Dagningen. Les meir her.

 (30/12-02
Bjarne Herrefoss vart minna under Jolekappleiken i Høydalsmo
Sonen Magne Herrefoss og venen Knut Hamre var mellom dei som spela på minnekonserten etter Bjarne Herrefoss som gjekk bort tidlegare i år. Les her.
 
(30/12-02)
Jens A. Myro døydde på Ringerike sjukehus 27. desember
Spelemannen Jens A. Myro frå Ål døydde 81 år gamal. I mange 10-år har han vore ein av dei aller fremste spelemennene i Hallingdal og som dansespelemann er han rekna som ein av dei aller beste i landet. Både i heimbygda og i slekta hans var det mange spelemenn, så han byrja å spele alt som 4-åring, og lærde tidleg låttar i tradisjon etter Dekko-karane og Myreguten, særleg av Sevat Sataøen. Han har delteke på ei rad kappleikar og spela for eit utal dansarar, og vore ein viktig tradisjonsberar og miljøskapar i Hallingdal. Han var også ein framifrå fotograf og ein del av dei mange bileta hans frå spelemannsmiljøet kom i bokform for nokre år sidan. Han har også vore med på fleire plater. Den siste soloplata "Hallingspel" frå 1997 inneheld mange av dei beste danseslåttane hans. I 1989 vart han utnemnd til heiderslagsmann i Landslaget for Spelemenn. I det sivile var han tilsett ved HV-skulen på Torpomoen. Mange vil minnast Jens A. Myro for hans store innsats for folkemusikken og dansen. Les meir her.
 (30/12-02)
Stildans og stildansball populært også ved dette årsskiftet
Dei siste åra har interessa for stildans auka kraftig. Det er no mange leikarringar som har stildans som ein "attåt-aktivitet" i tillegg til det vanlege repertoaret. Dessutan har det vakse fram ein del stildansgrupper som berre driv med stildans. Ved årsskiftet 2002/2003 har vi notert oss stildansball desse stadene:
Nasjonaltheateret - Bærum Balselskab (29/12-02)
Sandefjord - Sandarringen (4/1-03)
Stange - Sølja (11/1-03)
Skiptvedt - Smaalenene Stildansgruppe (25/1-02)
Heistad - Grenland Stildansgruppe (15/02-03)
Sjå meir om stildans på Stildanssida.

 (30/12-02)
"Majorstuen" er månadens artist for desember
Majorstuen har nyleg kome med ny CD og er månadens artist i Norsk Folkemusikkatalog. Her ser vi at dei har fått mykje rosande omtale for den nye CD'en sin.

 (20/12-02)
Veggpryden utgir første CD med musikk frå Østfold 
Det er gruppa "Veggpryden" som skaper historie ved å vere dei første nokon gong som utgir folkemusikk frå Østfold. Seks av dei 17 kutta er frå Vestfold etter Anton Svendsen Myrvoll fra Vassås i Hof.  Musikken frå Østfold bygger på notemateriale særleg frå Idd, men også frå Aremark og Hobøl. Dei som er med i Veggpryden er Vigdis Andersen, Helle Steinsholt Jansen, Lene Furuli, Guro Elise Fredheim, Ronny Lie Solbakken og Trond Borg Grønnerud. Meir om CD'en kan du finne i Sarpsborg arbeiderblad, i Fredrikstad Blad, og Jarlsberg avis.

 (20/12-02)
Helene Bøksle og Hannah Wilder har julekonsert med song og hardingfele
Dei to unge jentene har julekonsertar i sørlandsbyane i dagane føre jul. Hannah Wilder går i hardingfelelære hjå Halvdan Furholt og Helene Bøksle lærer song hjå Sondre Bratland og Anne Karin Kaasa. Les meir her.

 (17/12-02)
Agnes Buen Garnås med endå ein CD i år: "Soltreet"
CD'en inneheld opptak frå 1982 til i dag, til saman 41 ulike kutt. Plata kjem ut på det nye forlaget "Nyrenning" som Broren Knut Buen driv. På plata er dei fleire gjesteartistar: Mari Boine, Jan Garbarek, Kåre Nordstoga, og Knut Buen. Det følgjer eit rikt teksthefte med CD'en. Les meir om den gilde plata her.

 (17/12-02)
Kjersti Wiik fekk Lindås kommune sin kulturpris for 2002
Kjersti Wiik ffekk prisen for framifrå innsats for vokal folkemusikk i Nordhordland. Frå tidleg på 90-talet har ho studert og samla vokal folkemusikk i Nordhordaland. Det har mellom anna resultert i 2 CD’ar; ”Strilesølv” i 1997 og ”Ro, ro til Siraland” i 1999. Les meir her.

 (17/12-02)
Ny prosjektleiar for Den Norske Folkemusikkscena
Asgaut Høgmo Bakken er tilsett som nye prosjektleiar frå 1. januar 2003. Han er frå Vinje, bur i Oslo, og har utdanning mellom anna frå Rauland og Distriktshøgskulen i Bø. Han er kjent som gitaristen i gruppa "Blåmann, blåmann". Sjå her.

 (15/12-02)
Chr. Borlaug: "respektløst, fornærmende og meningsløst"
Det er nokre  av dei orda som spelemannen Chr. Borlaug nyttar i Kvinten (5/6 2002) om den nye plata med eigne komposisjonar "Isslått"  som Ragnar Heyerdahl nyleg gav ut. Heyerdahl er med i gruppa "Sturm und Drang" og spelar i Oslofilharmonien. Borlaug har ikkje mykje fint å seie om CD'en.

 (15/12-02)
Folkedansteater også i Noreg?
I Sverike har det dei siste 30 åra vakse fram eit teater som byggjer på element frå folkedansen og folkemusikken. Det er Västanå teater der Leif  Stinnerbom er koreograf, regisør og kunstnerisk leiar. På Osafestivalen i haust gjorde han greie for arbeidet ved teateret. I Kvinten (5/6 2002) har Helene Høye eit godt referat av foredraget til Stinnerbom. Stinnerbom har også vore engasjert i Noreg. Han var regissør og koreograf i forestillinga "Skal - skal ikkje" frå Førdefestivalen i år, og frå oppsettinga "Peer Gynt" ved Rogaland Teater i fjor. Som råd til vårt land dersom ein også her vil starte med folkedansteater, meiner han at det er lurt å starte i det små til dømes med prosjektorientert samarbeid.

 (15/12-02)
Norsk Kvedarforum med nytt styre
Under Kvedarseminaret i Valle i november vart det valt nytt styre etter det interimstyret som hadde førebudd valet. Leiar  er Jarnfrid Kjøk, og styremedlemer er Agnes Buen Garnås, Margrethe Nordmoen, Ingvill Marit Garnås og Åsne Bergset. Det er ca 50 som har meldt seg inn i Norsk Kvedarforum.

 (15/12-02)
Bernt Balchen med ope brev til NFD
Felespelaren Bernt Balchen har gjennom mange 10-år vore ein sentral person i norsk folkemusikk. Han var aktivt med då Norsk Folkemusikk og danselag vart oppretta på 80-talet. I siste nummer av medlemsbladet Kvinten skriv han eit ope brev til NFD der har ottast at også Kvinten/NFD skal svikte det tradisjonelle slåttespelet og bygdedansen. Leiaren i NFD Halvard Kaasa forsikrar i eit svar at det ikkje er grunn for slik uro.

 (14/12-02)
Songaren Sondre Bratland fekk Fylkeskulturprisen for Telemark
Sondre Bratland frå Vinje fekk fylkeskulturprisen for 2002 på 50 000 kr. Bratland ein ein av våre best kjente kvedarar og har gjeve ut mange plater. Har har sunge i 500-600 av kyrkjene her i landet, fortel han til NRK Telemark. Les meir her.

 (14/12-02)
Salve Austenå på CD med Tovdalsmusikk
Norsk Musikksamling kom i november med ein CD med musikk som spelemannen Salve Austenå har spela inn. Her finn ein mange kjend slåttar frå denne dalen som ligg mellom Setesdal og Telemark. Mellom slåttane er mellom andre Skuldalsbruri, Fille.Vern, Tveitlien, Kjempe-Jo og Den kaldsteikte. Det er Tellev Kvifte og Hans-Hinrich Thedens, som begge kjenner spelet til Salve Austenå godt, som står bak CD'en.

 (14/12-02)
"Forum for folkemusikk og dans" eit nytt samarbeidsforum
Etter Arnestad-rapporten har dei sentrale organisasjonane Landslaget for Spelenenn, Norsk folkemusikk og danselag og Noregs Ungdomslag etablert eit nytt samarabeidsforum som dei kallar FFD (Forum for folkemusikk og -dans"). Det er dagleg leiar i NFD Jan Lothe eriksen som skriv det i siste nummeret av lagsbladet deira Kvinten (5/6 2002)

 (14/12-02)
Herdis Lien: Den folkelege songmåten har endra seg lite 
Herdis Lien er frå Møsstrond i Vinje og tilsett ved Folkemusikkarkivet i Telemark. I ei hovudoppgåve ved Universitetet i bergen har ho studert om yngre kvedarar syng annleis enn dei eldre som dei har lært av. Konklusjonen er at skilnaden ikkje er så stor som det sumtid blir hevda. Ho la resultata sine fram for Kvedarseminaret som var i Valle tidlegare i haust. 

 (14/12-02)
Hardingfelemeister Torbjørg Aas Gravalid fekk to utmerkingar
Då Telemark folkemusikklag feira 50 år med kappleik i oktober, vart "hardingfelas grand old lady" stor heider til del for sin langvarige innsats for folkemusikken. Ho er no 90 år gamal og vann landskappleiken i 1967. Heilt til det siste har ho gjort mykje for å lære opp nye spelemenn og kvinner, og ho er ein viktig tradisjonsbærar etter Torkjell Haugerud serleg. Ho vart utnemnt til æresmedlem i Seljord Spelemannslag og fekk også Myllaragutens æresmedalje av Telemark Ungdomslag. I kappleiken var det Per Anders Buen Garnås som vann hardingfele klasse A føre Torgeir Straand.

 (14/12-02)
Kjent svensk  folkband på OsloFOLK i  Oslo fredag 13. des
Bandet Hoven Droven blir å høyre på Parkteateret (Olav Ryes Plass 1) fredag 13. des kl 21. Bandet har spela i mange år, har turnert i mange land, vore mange gonger i radio og på TV og gjeve ut  fleire plater. Det er første gong dei opptrer i Oslo, så dette blir ein fin konsert. Meir på heimesida deira  og på OsloFOLK.

 (10/12-02)
Berre 25-30 har svennebrev i bunadtilverking
Etter at lova om fagopplæring kom i 1998 er det knapt 30 som har teke svennebrev i bunadtilverking. Norsk Husflid (6/02) fortel at no har dei to syerskene ved Romsdalsmuseet Signe Brunvoll og Grete Bruaseth  teke svennebrev.   Som praktisk prøve laga dei herrevest og kvinnevest.

 (9/12-02)
Husfliden i Ålesund tapte i retten om einerett til sal av Ørskogbunaden
Tvisten mellom firmaet "Håndverk og Form AS" og Husfliden i Ålesund og Bunadnemnda for Sunnmøre frilynde Ungdomslag har pågått sidan 1998. Heradsretten meinte Husfliden hadde krav på vern av sine bunader, men no har altså Lagmannsretten bestemt at også det nye firmaet har rett til å selje sin versjon av Ørskogbunaden (dei to versjonane er svært like). Husfliden har ikkje bestemt om dei vil anke dommen. Det er Norsk Husflid (6/02) som skriv dette.

 (9/12-02)
Etnisk Musikkklubb: 3 CD'ar i nordisk profil for november/desember
Det er "Viser på vandring" med musikkk frå Romanifolket som er på den eine CD'en. Den andre er ein dobbelt-CD med "Slåtter på vandring" og er musikk som dei "reisande" tok med seg rundt om til ulike deler av landet. På denne dobbelt-CD'en er det innspelingar av Ånond Egeland (også produsent), Vidar Lande, Salve Austenå, Otto Furholt og Nils Bakke. Det er Etnisk Musikklubb sjølv som står bak platene.

 (7/12-02)
Bukkene Bruse sin julekonsert på NRK2 fredag 13. desember kl 22
Den kjende gruppa med Annbjørg Lien i spissen heldt i desember 2000 ein julekonsert i Bjørke kirke i Nannestad - ei gamal sermerkt kyrkje. Konserten blir no sendt på nytt. Les meir om det her.

 (3/12-02)
Majorstuen  med ny CD 20 desember
"Majorstuen"som består av 6 studentar på Musikkhøgskolen i Oslo, kjem med ny CD rett føre jul. Musikkgruppa har både som lag og som einkeltpersonar gjort det svært god på kappleikar i seinare tid, mellom anna på landskappleiken i Vågå i sumar. Plata kjem på selskapet 2L.

 (3/12-02)
BUL i Mo og Mo Trekkspillklubb feirar i lag
Mo trekkspillklubb og Bondeungdomslaget i Mo (BUL Mo)
feirar 30 og 40 år saman. Les meir her.
 (26/11-02)
Diskusjonsforum for Folkemusikk i Valdres
Valdres Folkemusikklag set i gang med eit diskusjonsforum på Fagernes, der ein kan diskutere aktuelle saker. Meir her.

 (26/11-02)
Musikkskole-elevar lærer folketonar
I Rana får elevane i Musikkskulen lære norsk folkemusikk. Elevane har også vist det dei har lært for publikum, og det var vel motteke. Meir her.

 (26/11-02)
Det norske stadionprogrammet på Nordleik i Næstved i 2003
Stadionprogrammet har vi fått tilsendt av Folke Flateland, og du finn det her.

 (26/11-02)
Hallvard T. Bjørgum på Søndagsmatine i Det Norske Teateret
Laurdag 30. november kl 14.30 blir det Matine på teateret Hallvard T. Bjørkum saman med Elshan Mansurov og dansaren Kari Anne Bjerkestrand. Det er Samspill som står bak konserten. Les meir her. Les også meir her.

 (26/11-02)
Kjell Klausen illustrerer folkevisa "Åsmund Frægdegjæva"
Føre jul i år vil Kjell Klausen gje ut ei bok på 50 sider der han illustrerer alle dei 61 versa i folkevisa Åsmund Frægdegjæva. Boka har han planlagt i mange år. Prisen er kr 100. Kjell Klausen er ein kjent dansar i Oslo, og er no særleg interssert i folkedansteater.

 (21/11-02)
CD og lanseringskonsertar med Sinnika Langeland og Andreas Liebig
Dei to gjev no ut ny CD "Stjerneklang" der dei kombinerer musikk av Bach og norsk folkemusikktradisjonar. I samband med det har dei lanseringskonsertar både i Noreg, Tyskland og USA. Om konsertane i Noreg sjå her.

 (17/11-02)
Folkemusikkpubb på ny plass i Trondheim
Vi har fått melding om at Folkemusikkpubben i Trondheim byter plass til POSEPILTEN, som ligg i krysset Dronningensgate / Prinsensgate. Første gong er måndag 18. november kl 19.00. Du blir oppfordra til å ta med instrument og gode dansesko. Tilbodet er kvar 3. måndag i månaden i første omgang. Mat og drikke får du også kjøpt.

 (17/11-02)
Noregs Ungdomslag har hatt eit vellukka songdans-seminar i Oslo
I helga midt i november hadde NU eit seminar om Songdansen  si stilling, utvikling og framtid i landet vårt. Ca 50 deltakarar drøfta ulike problemstillingar i lokala til BUL i Oslo, og Leikarringen i BULvar teknisk tilskipar. Leiaren i folkedansrådet Vegard Opheim, folkedansaren og musikaren Geir Egil Larsen og songaren Tone Juve var dei sentrale førelesarane på seminaret, som tok utgangspunkt i at songdansen i Noreg er 100 år. Laurdagskvelden var det ein fin songdanskabaret og leikfest i Teatersalen. Attåt mange andre deltakarar var også ein statssekretær og ein sakshandsamar i kulturdepartementet med. Bilete frå seminaret her.

 (17/11-02)
Folkedanskrise? Leikarringen i BUL i Oslo stiller kr 100 000 til rådvelde
Leikarringen i BUL i  Oslo har nyleg bevilga kr 100 000 for å styrke folkedansen si stilling. Føresetnaden er at andre lag og organisasjonar til saman kan kome opp med minst kr 400 000 til slik at det kan bli råd å opprette ei prosjektstilling som kan arbeide til beste for folkedansen. Dette er eit initiativ som NU heilhuga støttar opp om, seier leiaren i NU Johan Einar Bjerkem.

 (17/11-02)
Trekkspelkafe på "Fryd og Gammen" på Eleverum
På Eleverum skal det bli lettare å oppeleve trkkspelmusikk. Det er Arne Jonny Reiten som har flytta frå Oslo heim til Hernes som tar ideen med seg frå Oslo, der det har vore Trekkspillkafe i mange år. Les meir her.

 (17/11-02)
Noreg var stor på Womex-messa i Tyskland i slutten av oktober
Ola K. Berge frå Norsk Folkemusikkformidling hadde godt utbytte av å delta på årets Womex. Blant de norske deltagerne på Womex 2002 var Grappa, 2L/Lindberg Lyd, Norsk Folkemusikkformidlinmg, Rikskonsertene, Førde Folkemusikkfestival. Les meir om messa her.

 
(17/11-02)
Sigurd Nesdal døydde tysdag 12. november 2002
Sigurd Nesdal vart 87 år gamal. Han har gjennom mange 10-år vore ein sentral person i danse- og spelemanns-miljøet. Han gjorde mellom anna eit stort arbeid for at dansen Gamalt frå Nordfjord skulle takast i bruk att. Han var frå Norfjord men budde dei meste av livet i Oslo, der han var aktivt med i fleire lag. Han er også kjent for sine mange morosame dikt.

  (15/11-02)
Ei kvinne er blitt ny leiar i LfS
Det skulle gå 80 år før det vart kvinneleg leiar i Landslaget for spelemenn. Den nye leiaren heiter Randi Skeie. Ho bur og arbeider på Lillehammer, og har vore med i LfS i mange år men har ikkje tidlegare hatt sentrale tillitsverv. Så ho rykker raskt opp, og vart valt samrøystes. Skeie er frå Hamar, og har slekt i Valdres. Ho har vore aktiv dansar i mange år og har delteke på Landskappleiken. Ho er mor til den kjende felespelaren Andreas Skeie Ljones. Les meir om dette her.

 (13/11-02)
Landslinene for folkemusikk
Kristin Clemet fastheldt i Stortinget at statlege pengar til desse landslinene fell bort. så er det opp til fylkeskommunane å syte for at dei overlever. Meir her frå agderposten

 (16/2-02)
Vokal folkemusikk i omforming?
Norsk Folkemusikklag sitt kvedarseminar på Rauland 2. helga i februar samla mange kvedarar, og dei drøfta mellom anna kva som skjer med songen når han vert overført frå "heimen" til scena. Blir det fleire krullar og meir utkroting? Her er eit kort referat frå seminaret.

 (16/2-02)
FolkemusikkPøbb i Oslo
Framover våren blir det mykje folkemusikk på Cordial Scene i Storgata 45 på måndagar. Sume måndagar er det FolkemusikkScena som står bak, andre er med Chateau Neuf spelemannslag. Programmet er no klart, og ser spennande ut.

 (16/2-02)
Kvarts i USA og i OL
Gruppa Kvarts vil bli å sjå i NRK sitt OL-studio, og har også andre konsertar i USA, både på Kennedy senteret i Washington DC og i Florida.Turen er arrangert av Norsk Folkemusikkformidling
Oppdraget i Salt Lake City er i samarbeid med TINE. Konsertane i Washington og Jacksonville er støtta av Utanriksdepartementet. Les meir her.

 (16/2-02)
Synnøve Bjørset: Nasjonalt ensemble bra!
Synnøve går på folkemusikkstudiet ved Norges Musikkhøgskole, og fortel til Nasjonen at tanken om eit profesjonelt norsk folkemusikk- ensemble er god. Ho tenkjer sjølv å arbeide som profesjonell folkemusikar når ho er ferdig med studiet. Men det er andre som er skeptiske til tanken, mellom dei Trond-Ole Haug og Hilde Bjørkum.

 (16/2-02)
Vegar Vårdal danselærar i Sverike
Vegar Vårdal, som er ferdig på Norges Musikkhøgskole, fortel at han no jobbar i Malung i Sverike, som danselærar. Han fortel at "det er spennende å være i Sverige som norsk danselærer, men det går bra og studentene er fornøyde".

 (16/2-01)
Rettleiarsamling i BLS
Folkedansnemnda i BLS/Oslo samla ein del av rettleiarane i leikarringane i Oslo-området til samrådingsmøte søndag 10. februar. Det vart mellom anna drøfta korleis ein kunne få fleire til å ta på seg rettleiaroppdrag. Ein av tankane som var framme var å lage ein "pool" av rettleiarar som kunne ta på seg kortare oppdrag. Kjell Klausen innleidde.

 (12/2-02)
Spennande på Ål 26/5-1/6
Det er tida for Folkemusikkveka i år, og det blir fortalt om eit spennande program. Store premiar på kappspelinga - kr 30 000 og Olav Thons sølvpokal. Fykerud-framsyning og Amerikansk- orsk temaveka. Det kjem 25 spelemenn og dansarar frå USA med Loretta Kelly og Karin Code i spissen. Tore Bolstad og Per Anders Buen Garnås deltar, "Trollstilt" og kvedargruppa "Dvergemål" er i gang att.

 (9/2.02)
Fykerud-prosjekt
I år er det 100 år sidan den legendariske spelemannen Lars Fykerud (1860-1902) døydde. Det blir markert på fleire måtar. Teater Ibsen i Skien set opp "Ei fantastisk forteljing om felekaren Fykerud" av Veslemøy Haslund. skodespelaren Ola Otnes er med og Knut Buen. Det er eit felles initiativ fra Folkemusikkveka i Ål ogg Telemarkfestivalen.

 (9/2-02) 
Folkemusikarar-naboar i Oppdal
På gardane Viken og Bjørkås i Oppdal er det mange folkemusikarar - sume er mellom vår aller beste. Adressavisen har laga ein atrikkel om dei.

 (9/2-02)
Jan Wesenberg tar til motmæle
Etter at lærarane Siri Haukenes og Sylvi Kielland gav ut boke "Lidele galen, lideleg god" med tilhøyrande CD med vokal folkemusikk, har det kome sterk kritikk frå lærarar ved Ole Bull Akademiet fordi dei utan "løyve" har "stole" mykje av deira undervisningsmateriale. Det har og  vore snakk om rettsak. I Spelemannsbladet (1/02) går spelemannen Jan Wesenberg kraftig til mothogg. Han skriv: "Sjelden har jeg sett snevre ego-ambisjoner til de grader kollidere med det jeg opplever som folkemusikkens vesen."

 (9/2-02)
Dommarkurs i 2002 - vanleg fele
Trøndelag folkemusikklag og Rff skipar til samlingar i Trondheim. To samlingar i april og ei etter sumaren. Påmelding til Margot Sollie tlf 72413429 eller Mary Barthelemy tlf 72414152   

 (9/2-02)
Er plata til "Bukkene Bruse" dårleg?
Rett før jul kom gruppa med ein ny CD - "Den fagraste rosa". Plata er også nominert til Spelemannsprisen i år. I siste nummer av Spelemannsbladet vert plata omtala av Jens Graasvoll - i svært negative ordelag. Rett nok får vi høyre at det er flinke musikarar, men plata får svært dårleg karakter: "Somme spor gjev kjensla av at musikarane står i kvart sitt rom og spelar, eller skulle vi seie på kvar sin planet." Arve Moen Bergset blir også kritisert for songen sin, og dei får  kritikk for språket på omslaget (for å få seldt plata i Bærum og på Ullern?, undrar meldaren). Finn ut sjølv - er plata verkeleg dårleg?

  (9/2-02)
Folkemusikktimen i NRK i ny form
Den faste P"-timen på søndagar (reprise fredagar) blir endra: Første halvtimen blir "aktualitetar" med kortare innslag, og andre halvdel på lag som før. Leiv Solberg og Kjetil Bjørgan vil veksle om å vere programleiarar. Dei ynskjer tips frå publikum: Leiv  og Kjetil

 (9/2-02)
Nyoppretta pris til Ottar Kåsa
Under Telemarkfestivalen 2001 fekk Ottar Kåsa  ein nyoppretta pris: "Eckbo legaters Folkemusikkpris for unge utøvere", kr 15000. Prisen skal gå til unge utøvarar  (under 18 år). Kåsa er no elev ved Valle vgs, folkemusikklina. 

 (9/2-02)
Øyvind Kvile annonsemedarbeidar
Som ny annonsemedarbeidar i Spelemannsbladet er Øyvind Kvile Geilo/Trysil engasjert, etter Lars Kristian Berg.

 (9/2-02)
Olav Einemo er død
Dansaren Olav Einemo døde 14. januar og vart gravlagd 22. januar ved Lørenskog Kirke. Han var frå Lærdal, men budde det meste av sitt vaksne liv i Oslo-området. Han var ein dugande dansar og pedagog. Olav var A-klassedansar og deltok på mange kappleikar. Han heldt ei lang rekkje kurs, særleg i Vestlands-springar. Han var æresmedlem i Sogn og Fjordane ringen  i Oslo, og dansarar derifrå  stod æresvakt då han vart gravlagd.

 (1/2-02)
Konsert for Ole Bull Akademiet
Studieleiar Gunnar Stubseid ved Ole Bull Akademiet på Voss fortel til Nationen at dei vil bygge ut akademiet for kr 10 mill. For å skape blest om saka, og inntekter, blir det ein stor konsert i Grieghallen i Bergen 14. juni med mange velkjende artistar. Meir her.

 (31/1-02)
Kr 500 000 til folkemusikarar 
Oppland fylkeskommune vil gje 500 000 til eit par folkemusikarar eller ei gruppe som vil satse profesjonelt. Pengane skal først og fremst gå til å administrere aktiviteten til musikarane. Gudbrandsdal og Vestoppland er dei mest aktuelle distrikta. Meir her i Gudbrandsdølen Dagningen. 

 (31/1-02)
Landskappleiken 2002: Open klasse
Ny klasse for nyskapande samspel. Men det framgår av artikkel i Nasjonen at ikkje alle er like begeistra.  Ingvill Buen Garnås, Lars Underdal, Øysten Rudi og Sigrid Moldestad uttalar seg.  Les meir her.

 (29/1-01)
Kvedar med fin konsert
Gruppa kvedar hadde 25/1 og 26/1 konsertar i Oslo. Vi var til stades i Det Norske Teateret - ein fin konsert der eit felles nordisk repertoar kom godt fram. Men det  var altfor få som såg på!

  (29/1-01)
Norrsken på Røros nærmar seg
Nationen skriv om det nordiske bransjetreffet som startar 1. februar. Her er sume av artistane som kjem: Mats og brudarna, Per Anders Buen Garnås, Synnøve Bjørset, Yggdrasil og Bruvoll/Halvorsen.

 (25/1-02)
Landskappleiken vil vare 5 dagar
Kappleiknemnda i Vågå fortel til GD at kappleiken i 2002 vil var i 5 dagar, mot dei normale 4 dagar. Nemda er redd det blir ny rekorddeltaking slik det var i 1996. Vågå spel og dansarlag som fyller 50 år kjem også med ny CD snart.

 (24/1-02)
Titanofestivalen får kongepokal
Vi les i Gudbrandsdølen Dagningen at Titanofestivalen får lov til å  dele ut kongepokal i gamaldansmusikk. Det er kongen som gjev slikt løyve, og sjefen for Titanofestivalen Eddy Lyshaug er med rette stolt.

  (24/1-02)
Folkemusikklinene redda (?)
Det ser ut til at fylkeskommunene vil overta ansvaret, der staten fråsa seg sitt. Dei to linene ser ut til å bli landsdekkande tilbod, slik at elevar frå andre fylke får tilskot frå sine heimefylke for å gå der. Meir her.

 (22/1-02)
NFD med brev til kulturkomiteen
Norsk folkemusikk og danselag har sendt brev til kulturkommiteen i Stortinget når det gjeld oppnemning av styre til Fond for utøvande kunstnarar. Dette fondet vil også gjelde folkemusikk og dans.

 (21/1-02)
Bygda dansar - storsatsing på dans
Prosjektet "Bygda dansar" er ei stor satsing på "profesjonell" dans i ulike delar av landet. Det er Rff som står bak, med Egil Bakka  som prosjektleiar, og finaniseringa står i hovudsak Norsk Kulturråd for. Fagkonsulent Siri Mæland arbeider aktivt med prosjektet, og prosjektet har eigen teig på heimesida til Rff. I år er det i gang eit prøveprosjekt i Sogn og Fjordane, med namnet "Fjordapuls",  med Arne Sølvberg som lokal prosjektleiar, og med støtte frå S&Fj. teater, S&Fj Ungdomslag, S&Fj Folkemusikklag, fylkeskommunen og Sparebanken S&Fj. Dei satsar på ungdom i vg skole, og har vore rundt på fleire vg skolar i fylket med eit presentasjonaprogram for å rekruttere dansarar. I byrjinga av desember var det samling på Vassenden i Jølster for ca 20 dansarar og lærarar. Ut på nyåret er det meininga at det skal kome i gang lokale øvingar på feleire av dei vidaregåande skulane i fylket.
I prosjektet "Bygda dansar" er det så meininga at ein kvart år skal kome i gang med liknade prosjekt i eit nytt distrikt. 
I utgreiinga si er Arnestad ikkje svært optimistisk når det gjeld kva resultat ein kan oppnå i dette prosjektet.

 (16/12-01)
Sør-Fron Spelemannslag med ny CD
"Milstein" er namnet på den nye CD'en, som kjem 10 år etter den førre. Neste år fyller laget 25 år, så det høver bra med ei markering, fortel Ivar Nesmoen og Erik Bjørke til GD. Plata er delt ca halvparten på gamaldans og eldre folkemusikk. Plata har eit opplag på 2000 og kjem i butikkane 15. desember.

 (14/12-01)
Minnekonsert for Olav Brattås 
Spelemannen og rosemålaren Olav Brattås frå Numedal ville fylt 100 år i haust, og det var eit minneprogram om han i Flesberg i november. Mellom andre var Hauk Buen og sonen Asbjørn Brattås med. Likeeins barnebarnet Pål Bratås. Olav Baratås samla mange slåttar og stff om folkemusikken, og ein CD med slåttar han samla vert utgitt  på ein CD. Sjå her.

 (14/12-01)
Arnestad til NRK Sogn og Fjordane:
Fylkesmusikarane bør vere på åremål, og ikkje som no fast tilsette. I dag har Sogn og Fjordane 5 fast tilsette fylkesmusikarar. Han meiner at det ville vore betre om dei var på åremål.

 (14/12-01)
Kirkelig Kulturverksted reduserer
Vårt Land melder at plateselskapet KK må kutte 3 av 9 stillingar og halvere talet på plater. Det går ikkje minst ut over folkemusikken. Selskapet opplever ein kraftig svikt i salet av CD'ar. Dei må avslutte eller utsette påbyrja prosjekt, og det kan vere fare for at dei misser artistar, fortel leiaren Erik Hillestad.

 (14/12-01)
Folkemusikk-liner i fare?
Det vert spekulert i om dei to folkemusikklinene på vidaregåande skule (Vinstra og Valle) står i fare etter kommiteinstillinga i Stortinget. Desse linene er det staten som finansierer, og det er vedteke ein reduksjon på 30 millionar eller 25% til slike liner. Sjå her. Men Rolf Reikvam (SV) meiner at sidan det berre er to slike liner i landet, må dei sparast.
Siste: Landslinene kan halde fram som før! Finanskommiteen seier: "Ordningen med direkte tilskudd til landslinjer ved videregående skoler opprettholdes." Men bevilgninga på 140 mill kr er ikkje auka frå i fjor. Sjå her.
 
(12/12-01)
Einsretting av NRK-musikk?
Mange folkemusikarar reagerer sterkt på at distriktskontora i NRK skal styrast meir i sine musikkval. Det vil gå ut over folkemusikken, meiner mange folkemusikarar, mellom dei Kirsten Baråten Ber og Øystein O. Rudi.
Les meir her.
 (12/12-01)
Kommentarar til Arnestad-utgreiinga
Det har vore mange kommentarar. Her er nokre synspunkt frå aktørane i Nationen

 (12/12-01)
Kongens fortensmedalje i gull  til Olav Viken
Felemakaren og langeleikbyggjaren Olav Viken frå Fagernes fekk kongens fortensmedalje i gull på ei tilstelling ved Fagernes Folkemuseum 8. desember 2001. Viken har nyss fylt 80 år. Tilsaman har han reparert ca 1000 feler, og mange av felene til våre beste spelemenn har han sett i stand og rigga. Han har også vore ein sers viljug og dugande læremeister for andre både i fele- og langeleikbygging. Mange av dei fremste spelemennene i Valdres var med og heidra Viken med spelet sitt. Meir her.

 (12/12/01)
Kva skal skje med Rff?
I utgreiinga si peikar Arnestad på at funksjonen til Rådet for folkemusikk og folkedans bør vurderast. Det ser ut til at dei involverte aktørane vil tenkje seg om litt før dei uttalar seg for bestemt. Dei vil ikkje køyre saka i pressa, blir det hevda.  Nationen har fleire detaljar om dette.

 (9/12-01)
Illustrerte folkeviser
Teiknaren Harald Aadnevik, godt kjent av mange i folkedansmiljøet i Oslo og Bergen, har illustrert nokre av folkevisene våre. Desse illustrasjonane har tidlegare stått i lagsbladet til Oslo Songdanslag. No får vi høve til å vise dei her på folkedans.com. Den første av dei, Horpa, kan du sjå her. Verkeleg fine, og humoristiske illustrasjonar!

  (8/12-01)
Få plater blir innkjøpt
Larry Bringsjord, formann i FONO Foreningen Norske Plateselskaper, uttaler til "Ballade" at det er alt for få fonogram som blir innkjøp gjennom den statlege innkjøpsordninga. I siste runde for 2001 vart bere 35 av 180 innkjøpt. Av folkemusikk var det 4 av 14 som vart kjøpt. Her kan du sjå kva plater som vart kjøpt og ikkje kjøp i siste del av 2001. I første del av 2001 var det også 4 folkemusikkplater som vart kjøpt inn. Det var desse som vart innkjøpt i 2001: Harnihomba, Knut Buen (Feledåmm), Sjugurd og Trollbrura og Svein Westad (munnharpe), Honndalstausene (Frie former), Nils Økland (Straum), Susanne Lundeng (Vals til den røde fela) og Vibå spelemannslag (Fela i ura).

 (1(12-01)
Sigmund Eikås fekk kulturprisen 
Kulturprisen for Sogn og Fjordane for 2001er tildelt spelemannen Sigmund Eikås frå Vassenden i Jølster. Prisen er på kr 40 000. Eikås har gjennom mange år lagt ned eit stort arbeid for folkemusikken, både i sitt heimefylke og på landsplanet. Han er ein av våre fremste spelemenn, organisasjonsmann, lærar og tradisjonsformidlar og ikkje minst leiar i Indre Sunnfjord spelemannslag. Til dagleg er han tilsett som fylkesmusikar i 60% stilling og underviser også ved fleire skular. Her er meir informasjon.

 (28/11-01)
Nils-Aslak Valkeapää er død
Den kjente joikaren, komponisten, biletkunstnaren og skribenten er død 58 år gamal. Han kom frå Finland, men budde i Noreg dei siste åra. Han var ein av dei aller fremste ambassadørane for samisk kultur. Mellom anna var han sentral i dei samiske innslaga unde OL på Lillehammer i 1994. Han fekk Nordisk Råds litteraturpris i 1991. Si første joike-plate gav han ut i 1968. Meir info her og her.
 
(28/11-01)
Sinnika Langeland held julekonsertar
Sinnika Langeland og Andreas Liebig (orgel) held julekonsertar på fleire stader i desember, og avsluttar i Nidarosdomen. Der blir programmet teke opp, og skal bli til CD. Sinikka har nett kome tilbake frå ein stor turne i Finland.

 (27/11-01)
Per Anders Buen Garnås med ny CD
"Åleine" heiter den nye CD'en som Per Anders kjem med no føre jul. Den 14. desember, på Pizzafjoset i Bø, blir det "plateslepp". CD'en inneheld 25 slåttar som vert lite spela. Opptaka er gjort av Lindberg Lyd i Ullensvang kyrkje i Hardanger,  og kjem ut på det nye forlaget "Nyrenning" til onkelen Knut Buen. Dette nye forlaget skal satse på unge spelemenn og nyskaping.
CD'en kan tingast her.
 (27/11-01)
Gruppa Gåte vekkjer oppsikt
Ei ny og utradisjonell gruppe på 5 unge musikarar frå Trondheim vekkjer oppsikt med sin form for folkemusikk. Dei kjem med EP  i 2002. Du kan lese litt om dei på NRK, eller på heimesida deira.

 (23/11-01)
Debatt om Arnestad-utgreiinga
Både før, under og etter seminaret i Norsk Kulturråd 21. november. Det var ca 70 med på seminaret. Her er lekkjer til artiklar om saka: Referat i Ballade. Intervju med Hallvard Kaasa (NFD).Tidlegare drøfting i Rff.  Intervju med Arnestad i NationenIdaLou Larsen i Nationen kommentererJohan Einar Bjerkem (NU) uttalar seg til Nationen. Brit Håland (Rff) kommenterer saka i Nationen. Johan Einar Bjerkem (NU) kommenterer saka i Nationen. 

 (23/11-01)
Intervju med Georg Arnestad
Han har skreve utgreiinga for Norsk kulturråd om folkemusikken og dansen. Han har blitt intervjua av NRK Sogn og Fjordane og fortel at folkemusikken er fornyande og erotisk, medan dansen er gamal og sær og uerotisk! Høyr her på kva han seier.
 
(23/11-01)
Open klasse på landskappleiken 2002
Spelemannsbladet (7/2001) melder at LfS har vedteke at det blir open klasse i Vågå 2002. Men klasse for durspel bygdedans vert det ikkje i denne omgangen.

 (17/11-01)
Rff: Utdelte tiltaksmidlar oktober 2001
Av 72 søknader var det 27 som fekk løyving. Det vart delt ut kr 298 000 og total søknadssum var på ca kr 1,3 millionar. Dei fleste stønadane gjeld CD-utgjeving og læring og innsamlin av folkemusikk. Her er ei liste over alle tildelingane.

 (17/11-01)
Nytt kulturnettverk: Folkemusikk Nord
I slutten av november såg eit nytt kulturnettverk i Nord Norge dagens ljos i Tromsø. Dette skal vere eit samarbeidsorgan innan folkemusikk og folkedansfeltet og Nordnorsk Kulturråd har vore pådrivar for å få tiltaket i gang. Det er mange organisasjonar med: Nordnorsk kulturråd, Nordnorsk folkemusikksamling ved Tromsø Museum/Universitet, Nordnorsk senter for folkemusikkforskning ved Høgskolen i Nesna, Nord-norsk folkedans- og folkemusikkråd som er eit samordnande organ innan NU med sete i Lakselv og Nordnorsk Folkemusikksenter i Målselv. Tanken er at dei skal samarbeide på mange område: til dømes informasjonarbeid, samle utøvarar, instruktørar og forelesarar, gjere bøker og plater meir tilgjengeleg, utarbeide kurs, bygge opp kompetanse, samarbeid om arenaer og arrangørstader.

 (17/11-01)
Færøydans i Nordens Hus i Oslo
Onsdag 14. november var det Færøysk-Islands samkome i Norden Hus i samband med at elevar frå lærarskulane i Torshavn og Reykjavik var på vitjing på lærarhøgskolen i Oslo. Etter ei kort kåserande innleiing frå lærarane, var det færøydans eit par timar. Arni Dahl frå Torshavn var ein dugande skipar.
Her er bilete av Arni og her bilete av dansen.
  (16/11-01)
Kongens fortenstmedalje til Olav P. Hjelvik 
Olav P. Hjelvik vart på landskappleiken æresmedlem i LfS, og no har han også fått kongens fortensmedalje for sitt arbeid for folkemusikken. Han har vore leiar i fleire lag, spela for leikarringen ved folkemuseet i Molde i mange år, og gjer det enno.

 (16/11-01)
Aslak Brekke-seminar i Vinje
I samband med at det er 100 år sidan Aslak Brekke vart fødd, blir det seminar i Vinje 23-24 november. Meir info her.

 (16/11-01)
Aftenposten om Myllargutkonserten
Aftenposten spanderer ei halv spaltelengd på Myllargutkonserten i Gamle Losjen i Oslo, der våre fremste folkemusikk-jenter avslutta Myllargutåret. Knut Utler fortel om ein fin
konsert, men det var berre ca 100 til stades.
 (16/11-01)
Arnestad-utgreiinga ligg føre!
Så er Norsk Kulturråd si utgreiing om norsk folkemusikk og folkedans ferdig. Ho er på heile 224 sider.  Utgreiinga blir presentert på eit seminar onsdag 21.november 2001 - Kl. 10.00 - 14.00 hjå Norsk kulturråd, Auditoriet, Grev Wedels plass 1, Oslo. Seminaret er gratis,  og du får meir informasjon, program og påmelding her:
http://www.folkogdans.no/nfd/index.html
Rapporten kan bestillast på e-post  kultur@kulturrad.dep.no
Arnestad rår til at det blir ei ny utgreiing. Han skriv at folkemusikkfeltet står overfor både organisasjonmessige og kulturpolitiske utfordringar. Han ser spenningar mellom  profesjonell kunst og fritidsbasert aktivitet. Arnestad skriv også at det offentlege har teke lite ansvar for folkemusikken og folkedansen. Han seier at folkemusikken langt på veg er integrert i norsk musikkliv, men at folkedansen treng profesjonalisering og modernisering for å bli redda. Arnestad kjem med ei rad tilrådingar. Mellom annna at feltet må bli meir synleg i kulturdepartementet sine budsjett, og at Rff si stilling må vurderast på nytt i ei framtidig utgreiing.
Rapporten er allereide omtala i Nasjonen:
http://www.nationen.no/49/94/37/7.htm
http://www.nationen.no/49/94/33/2.html
Etter seminaret skipar Rff til eit samrådingsmøte for folkemusikk og folkedanssektoren, der LfS, NU og NFD vil drøfte korleis utgreiinga kan følgjast opp. Ti kl 14.30-1700 Norsk Kulturråd. Påmelding her: Rådet for folkemusikk og folkedans
  (13/11-01)
Folkemusikk i musikkskolen i Oslo
Oslo kummunale musikkskole har eit par gonger tidlegare gjeve tilbod for born i folkemusikk (sang, fele, hardingfele og dans). Dette skal no bli meir omfattande og blir kalla månadssamlingar. Det vert i vår  21. mars, 4. april og 2. mai kl 1800 - 2000. Kontakt Torfinn Hoffart tlf 22057784. Det er i samarbeid med Laget for Folkemusikk, og lærarar er Unni Løvlid, Andreas Skeie Ljones og Hallvard Kvåle/Silje Dæhlie. Eit fint tiltak!

 (21/1-02)
Gruppa "Kvedar" held konsertar
Gruppa kvedar har  konsertar i Oslo 25. og 26 januar, og seinare i Telemark og på Røros. Desse er med i Kvedar: Agnes Buen Garnås, Eli Storbekken, Halvor Håkanes, Geirr Lystrup, Aiva Insulander, Marianne Maans  og dansaren Cathrine Smith. Dei syng både eldgamle kvad, yngre viser og heilt nye viser. Her er meir informasjon. Dei er månadens artist.

 (25/1-02)
Folkedansen si stilling - i BUL Oslo
Torsdag 16. januar hadde BUL Oslo møte om folkedansen si stilling og framtid, på bakgrunn av rapporten til Arnestad. Arnestad (bilete) innleidde, og leiaren i NU Johan Einar Bjerkem  "kommenterte". Det var ca 40-50 frammøtte i Teatersalen.

 (17/1-01)
Songdansen fyller 100 år
I 2002 er det 100 år sidan Hulda Garborg starta arbeidet sitt med songdansen i landet vårt. Vi reknar med at dette på ulike måtar blir markert i leikarringar og ungdomslag. Her på www.folkedans.com har vi oppretta ei songdansside der vi vil samle diverse stoff om songdansen.
 (15/1-02)
Folkemusikklinene ....
Nationen har intervjua Rolf Reikvam og Tarjei Haugen, og presenterer bakgrunnen for alt oppstyret omkring folkemusikklinene i Valle og på Vinstra. Går det mot at fylkeskommunene overtar? Her kommenterer Ida Lou Larsen spetakkelet omkring landslinene.
Frå andre aviser har det også vore reaksjonar, til dømes Gudbrandsdølen Dagningen.
 (10/1-02)
NU i pengenaud:
Ikkje noko ekstra i denne omgangen

Som kjent har NU prøvt å få stønad til sitt arbeid med folkedansen over kulturbudsjettet, ikkje berre som stønad til dei under 26 år via Barne og familiedepartementet. Hordaland ungdomslag har sendt brev til Kulturdepartementet og Statsministeren om NU sin svake økonomi, men svara er ikkje konkret positive i denne omgangen. Sjå meir her.

 (12/1-02)
Ola K. Berge tilsett i NFD
Norsk Folkemusikk- og Danselag har tilsett Ola K. Berge i den nyoppretta
stillinga (50%) som prosjektmedarbeidar i Norsk Folkemusikkformidling (NFF).
Arbeidet knyter seg til formidling av utøvarar, tilrettelegging av program
for oppdragsgjevarar samt marknadsføringstiltak i inn -og utland.
Meir her.
  (10/1-02)
Spelemannsprisen: Dei nominerte er...
Ingen store overraskingar i nominasjonane. I kategorien folkemusikk/Gammeldans er desse nominert: Per Sæmund Bjørkum: "Berg og vatn", Knut Buen: "Spelemannsprøva", Bukkene Bruse: "Den fagre rosa" og Kvarts: "Filigran". Dessutan er Kirsten Bråthen Berg nominert i klassa viser med "Syng du mi røyst".

 (7/1-01)
Folkemusikkliner i fare likevel?
Som kjent kuttar Stortinget i dei landsdekkjande linene på vg skole, og det er enno ikkje bestemt kva tilbod dette vil gå ut over. Dei fleste linene av dette slaget er idrettsliner. Situasjonen for linene i Valle og på Vinstra er altså framleis uviss. Meir her.

 (7/1-02)
Flott ball i Sandefjord 5/1-002
Stilballet til Sandarringen og Sandar Spelemannslag ved det tiande på rad, og nesten 100 deltakar fekk vere med på eit fint gjennomført ball. Det var på dei særmerkte gamle lokala  til det gamle Kurbadet. Her finn du nokre bilete frå ballet.

 (7/1-02)
Olea Crøger (1801-1855) - 200 år
I låvekyrkja i Heddal 1. desember 2001 vart 200-års dagen folkeminnesamlaren Olea Crøger markert. Hæge Manheim hadde dramatisert historia om Crøger, Velle Espeland kåserte, Kari Lønnestad spela langeleik og kveda. Det var også fleire andre som song og spela. Det var ei fin og stilig framsyning fortel Spelemannsbladet (1/02).

  (9/2-02)
Meir folkemusikk i NRK-Telemark
Sidan oktober har det vore underskrifts-lister i gang i Telemark om å få meir folkemusikk i lokalsendingane. Johan Vaa stod bak, og listene er no overlevert. Men i mellomtida har situasjonen betra seg, og det har vorte meir folkemusikk. Meir her.

  (9/2-02)
"Vintermåne" med CD
Gruppa består av Anne Gravir Klykken (31), Frøydis Grorud (27) og Torjus Vierli (24), og kjem 28. februar med CD som også heiter "Vintermåne". Songane på plata er frå ulike delar av Telemark. Gruppa har også konsertar rundt om. Sjå her. 

  (6/2-02)
Norrsken, Røros, vart vellukka
Det var vel 200 deltakarar på den første Norrsken skipa til utanfor Sverike. Her skriv "Arbeidets rett" litt om seminaret.

   (6/2-02)
Seminar om folkemusikken/dansen
Den 29/1 skipa Rff til eit seminar om stillinga til folkemusikk og folkedans, etter Arnestad-rapporten som kom føre jul. Representantar frå dei tre store organisasjonane var til stades: Landslaget for spelemenn, Norsk folkemusikk og dansalag og Noregs Ungdomslag, frå Rff og andre. Det kom mellom anna framlegg om å slå saman dei 3 organisasjonane. Det var det ikkje semje om. Men eit nærare samarbeid skulle det ligge til rette for. Rff si stilling vart også drøfta. Her er lenkjer til fleire avisoppslag: Nationen, Nationen, Nationen, Nationen  Rff skulle arbeide vidare på grunnlag av det som kom fram under diskusjonen.

 (1/2-02)
Knut Buen nominert ca 10 gonger!
Knut Buen fortel til "Telen" at han til saman er blitt nominert ca 10 gonger til spelemannsprisen, første gong i 1972 - til den første prisen. Og no igjen i år - eit spenn på 30 år. Han har vunne prisen "to og ein halv gong". Les her.

 (1/2-02)
Spelemannsprisen: Bjørgum 5 gonger
Hallvard T. Bjørgum har vunne prisen 5 gonger (saman med andre), første gong med "Slinkombas" i 1979. Han fortel til Fedrelandsvennen at han er i gang med ny plate, saman med både folkemusikarar og heilt andre musikarar. Meir her.

 (1/2-02)
S&F teater jubilerer med folkedans
Sogn og Fjordane teater jubilerer (25 år), og det gjer dei mellom anna med å få folkedansen inn i ei teateroppsetjing. Det er eit nyskreve manus - Svik - som skal tilpassast. Lokale musikarar og dansar skal vere med, og Oddbjørn Hesjevoll. Meir her.

 (1/2-02)
Norrsken på Røros 1. helga i februar
Programmet for Norrsken, som i år for første gong er lagt til ein annan stad enn Falun, tar no form. Dette er ein fin plass for spelemenn og frupper å profilere seg og musikken sin for dei som skipar til festivalar etc. Vi les at frå Noreg vil  hardingfelespelemenn som Per Anders Buen Garnås og Synnøve Bjørset delta, likeeins Glåmos Spellmanslag og Småviltlaget og meir eksperimentelle band som trønderbandet Gåte. Kjende profilar frå Sverike, Danmark og Finland kjem. Meir her.

 (5/1-02)
Hemsing-jentene i sentrum 1. nyttårsdag
På NRK TV 1. nyttårsdag var dei to søstrene Hemsing frå Aurdal verkeleg i sentrum.  Dei to spelar som kjent framifrå både på fiolin og hardingfele, og har også tidlegare utmerka seg. På TV spela dei som solistar i konserten frå Olavshallen i Trondheim. Og dei delte også eit stipend  på kr 50000 som vart utdelt under konserten. Dei skulle bruke pengane til nye feler og til kikkert, fortalde dei. Tidlegare på kvelden var den eldste av jentene, Ragnhild, solist i Årstidene av Vivladi med eit orkester frå Baratt Dues Institutt.

 (1/1-02)
Vil registrere sangskattar i Østfold
Ingunn Skjelfoss fra Hobøl studerer folkemusikk på Rauland, og vil gjerne samle inn gamle sangskattar frå Østfold. Ho reknar med at det framleis er ein del som ikkje er registrert, fortel ho til Fredrikstad Blad. Frå før er det registrert ca 100 melodiar frå Østfold, dei første av Lindemann i 1868, Ole Bjerke i 1881  og
Catarinus Elling ved hundreårsskiftet.
 (31/12-01)
Buen i Aftenposten
På årets siste dag spanderer Idar Karevold sin kommentar på norsk folkemusikk, nærare bestemt på Knut Buen. Han skriv at norsk folkemusikk har meir å by på enn dei fleste er klar over. Han nemner dei tre platene som Knut Buen har kome med i år: "Spelemannsprøva", med opptak frå "unge år" 1965-76, plata "Felesong" med Kåre Nordstoga i ny utgjeving i år, og endeleg "Myllargutens draum" som er Buens hyllest til Myllarguten i jubileumsåret.

 (31/1-01)
Annbjørg Lien i Dagbladet
På årets nest siste dag skriv Dagbladet om Annbjørg Lien (30). Ikkje om musikken hennar eller spelekvinna, men om spelaren. Annbjørg Lien fortel at ho heller spelar Game Boy enn lese ei god bok når ho skal slappe av på ein flyplass eller på turnebussen. Ho har elles fått mange nye spel til jul, og ynskjer seg endå fleire.

 (31/12-01)
Tilskot til musikkfestivalar 2002
Tilskota frå Norsk Kulturråd og 2002 er nå offentleggjort. Av folkemusikkfestivalane er det dei same som får i år som i fjor. Berre Jørn Hilme stemnet og Osafestivalen får litt meir enn i fjor, elles er tilskota uendra. Til saman er 20,5 millionar kroner fordelt på 41 musikkfestivaler i 2002.
Folkemusikkfestivalane som får er: 
Førde Intern. folkem.-festival kr 1500 000
Den norske folkemusikkveka kr    450 000
Jørn Hilme stemnet                  kr    125 000
Osafestivalen                          kr    125 000
Telemarkfestivalen                  kr    650 000
Heile tildelingslista finn du her.

 (21/12-01)
Nordmørsbunad til prinsesse Märtha Louise
Husfliden i Kristiansund vil gje kronprinsessa ein Nordmørsbunad i forlovelsesgåve, melder Tidens Krav. Som kjent har Ari Behn Nordmørsbunad frå før - han har deler av slekta si og namnet Bjørshol frå Averøy på Nordmøre. Kanskje dei to vil nytte bunad under bryllupet i Nidarosdomen, undrar Elisabeth Sørli ved Husfliden i Kristiansund.

 (21/12-01)
Ny klassedeling i langeleik
LfS melder at det frå og med Landskappleiken i 2002 blir det to klassar i staden for fire i langeleik: solo og samspel senior og solo og samspel junior. Det er etter ynskje frå utøvarane.

 (15/12-01)
Knut Hamre best på Vestlandkappleiken 2001
På Vestlandskappleiken i Jølster  vart Knut Hamre best i hardingfele kl A, med Gro Marie Svidal på andre plass. Anders Eikås vart best i klasse B. Indre Sunnfjord spelemannslag vart best av spelemannslaga. Inger Marie Støylen og Endre Hope var best i dans kla A. Resultatlista kjem her.

 (15/12-01)
Edvard Ruud er død 93 år gamal
Ruud var frå Elgsnes utanfor Harstad. Han har gjennom 2-3 mannsaldrar vore ein framifrå representant for den nordnorske folkelege kulturen, særleg folkemusikken og den folkelege songen. Han song inn nærpå 200 songar i NRK. I mange år reiste han i bygd og by og fortalde og song. Han gjorde også mykje for ungdomslag, målsaka, museumsarbeid og mangt anna.
 
(20/8-01)
Litt bunad og folkedans i Bryllupet
Framfor slottet var det ei fin rekkje med ulike bunader då folk reiste til og frå vielsen. Også i kyrkja og under middagen såg vi ein del bunader, om enn ikkje så mange. Vi merkte oss at Ari Behn hadde bunad. Elles var det innslag av folkedans på slottsplassen om kvelden - barnelaget i BUL var mellom dei frivillige organisasjonane som var i sving.
Elles har ein lagt merke til at mellom andre Aftenposten har nytta eit bunadkledd kronprinspar som logo for sine reportasjar føre bryllupet.

 (26/8-01)
Også folkemusikk i Bryllupet
I kronprinsbryllupet var det også folkemusikk. I domkyrkja song Mari Boine  "Mitt hjerte alltid vanker" i joik-tradisjon. Jan Garbarek spela folketonen "Eg vil binde blomsterkransa" med Kåre Nordstoga ved orgelet, og dei spela også brudemarsjen "Gamal brudemarsj" eller "Brudemarsj frå Gudbrandsdal" til avslutning. Ein nykomponert brudemarsj av Nils Henrik Asheim vart også framført. Anders Vassbotns "Å leva det er å elska" var mellom salmane. Folkemelodiane vart svært fint framført, men likevel sakna vi nok (harding)fela.
 
(26/8-01)
Mykje folkemusikk i bryllupsgåve
I regjeringa si gåve til kronprinsparet var det eit CD-skåp med 1000 CD'ar. Her var det også var eit breitt utval med folkemusikk - 79 CD'ar til saman. Her finn du heile lista.
 (25/8-01)
Platebutikken Edna legg ned
Edna finn å måtte leggje ned drifta, og det er opphørssal ut august. Rabatten er 40% på plater og 30% på bøker og notar. Edna opna i 1999 og har lagt vekt på norsk musikk, medrekna folkemusikk. Dei har hatt ca 700 CD-titlar i folkemusikk i hyllene sine.  Meir her.

 
(24/8-01)
Utredninga om folkemusikk sterkt forseinka
Georg Arnestad si utredning om norsk folkekemusikk på oppdrag frå Norsk Kulturråd er sterkt forseinka. Ho skulle vere ferdig  sumaren 2000, og enno er ikkje manuset heilt ferdig. Men det nermar seg, skriv Nasjonen (21/8-01).  No vert det lova at ho skal vere klar  før slutten av oktober.
 
(23/8-01)
Belgiaden i Geiranger vellukka
I Geiranger vart Belgiaden trekkspeltreff skipa til for 21. gongen, og det var svært god oppslutning, 300-400 personar. Mange kjende artistar og grupper deltok. Arrangøren Ørskog og Omegn trekkspelklubb er godt nøgd, fortel leiaren Kjell Opsal til Sunnmørsposten.

 (13/11-01)
Annbjørg Lien med 2 nye plater
Bukkene Bruse kjem med juleplate 19. november - "Den fagraste Rosa". Det er ei "annleis" juleplate med mange nokså ukjente melodiar, men også nokre gamle som "Et barn er født" og "Mitt hjerte alltid vanker". Opptaka vart gjort i Sofienberg kirke for nesten eit år sidan. 
I mars 2021kjem så plate nr 2 med Annbjørg Lien, ei samleplate som det vart gjort opptak til på turnear våren 2001. Den foreløpige tittelen på CD'en er Aliens Alive fortel Annbjørg til Sunnmørsposten (fredag 9. nov), ein tittel som høver svært godt, legg ho til. 

 (12/11-01)
NU ber om pengar
Vi høyrer at Noregs Ungdomslag ber om pengar på to frontar: Dei oppmodar medlemslaga om å yte NU sentralt eit rentefritt lån i 3 år, store lag blir bedt om kr 20000 og mindre lag om kr 5000. Onsdag 8/11 var leiaren i NU Johan Einar Bjerkem i Symra og informerte om den vanskelege økonomiske stoda, særleg mangelen på likvide midlar no ved nyttårseitet. Dagen etter, 9/11, er han i Stortinget og forklarer for kulturkommiten at NU gjerne vil ha  ein million kroner over kulturbudsjettet. Johan Einar ser det som ein halv siger at dei slepp til i Stortinget. Så får vi sjå kva resultatet blir. I forslaget til statsbudsjett var det ikkje sett av pengar til NU. Sjå bilete av Johan Einar på denne sida.

 (8/1-11)
Ny norsk CD med sigøynermusikk
Vi har fått tilsedt ein ny CD frå gruppa "Opre Roma Gypsy Orchestra". Denne gruppa har 11 medlemer, ca halvparten er norske og dei andre kjem frå andre land. Gruppa vart stifta i Bergen i 1999 og  Opre Roma er første CD'en deira. Dei fleste i gruppa er vokalistar og muskken er sterkt vokal-prega med trekkspel og gitar som dei viktigaste instrumenta. Les meir om CD'en her.

  (3/11-01)
Folkemusikk frå Akershus på nett
Dokumentasjonssenteret for musikk i Akershus er et samarbeidsprosjekt mellom Fylkesbiblioteket i Akershus og Akershus musikkråd. Dei har no produsert 48 CD'ar med folkemusikk-opptak, og alt saman er lagt ut på nettet.

 (3/11-01)
Folkemusikkutgreiinga kjem snart!
Nationen har funne ut at utgreiinga som Georg Arnestad i Sogndal har hatt ansvaret for, blir presentert innan midten av november. Utgreiinga har vore lova ferdig mange gonger, men no er det vistnok alvor!

 (3/11-01)
På Womex i Rotterdam
var også norsk folkemusikk representert med Kirsten Bråten Berg og Blåmann Blåmann. Til denne presentasjonen av verdsmusikk hadde NFD laga ein særskild CD med norske artistar. Nasjonen skriv at Annbjørg Lien og Susanne Lundeng ikkje var med på CD'en, og synest det var rart. NFD fortel at grunnen var at dei hadde teke med artistar frå Norsk Folkemusikkatalog, og dei to kjende speljentene har ikkje meldt seg inn der.

  (3/11-01)
Oslokappleiken 2001
samla bra med deltakarar, men færre publikum, i Oslo 27. oktober. Det var få deltakarar i A-klassane  og i C-klassane, men mange i B-klassane. Høgst poengsum fekk dei to vinnarane i spel klasse A: Per Anders Buen Garnås (hardingfele) og Andreas Skeie Ljones (fele) - begge med 132 poeng og 1. premie. Her er mange bilete frå kappleiken. Full resultatliste finn du her.

  (2/11-01)
Lite til folkemusikk
Tildelinga av midlar til lokale musikktiltak for 4. kvartal er offentleggjort. Kr 700000 går til 88 tiltak, mest konsertar, av i alt 238 søknader. På lista finn vi Vårflaumen spel- og dansarlag, elles er det lite folkemusikk å sjå på lista som du finn her.

 
(02/11-01)
Jentene avsluttar Myllaråret
LfS står bak avslutningskonserten i Gamle Losjen i Oslo  14. november. Dei som skal i elden er Annbjørg Lien, Anette Torsheim på torader, gruppa Fjøgl frå Sogn og Fjordane og gruppa "Mot Normalt" frå Numedal. Programleiar er Maria Høgetveit Berg. Billettprisen er kr 180/150 (medlemer FfS). Konserten startar kl 20.

   (2/11-01) 
Symra sitt oktoberball 2001
Det var første gongen Leikarringen  Symra i Oslo skipa til ball, og det vart eit stilig og vel gjennomført arrangement. Desverre var det færre påmelde enn ein hadde rekna med, og ballet måtte derfor flyttast frå Høyres hus til Engebret kafe i Oslo sentrum. Sjølv om ballsalen var litt liten, var det brukbar plass til dei drygt 60 dansarane. Christiania Tour og runddansensenble sytte for fin musikk. Her kan du sjå ein del glimt frå ballet.

 (30/10-01) 
Oppstyr om ny folkemusikkbok
Tidlegare i år ga Siri Haukenes og Sylvi Kjelland ut folkemusikkboka "Lideli galen lideli god" på Norsk Musikkforlag. Boka er ei opplæringsbok i folkemusikk og dans i førskole og barneskole.Dei to er lærarar på førskuleutdanninga ved Lærarhøgskolen i Oslo, og har gått på kurs på Ole Bull akademiet. Lærar ved akademiet føler seg misbrukt ved at dei to utan løyve har nytta mykje materiale som dei har fått då dei i fleire år tok med elevar på kurs ved Ole Bull Akademiet. Mellom dei som føler seg misbrukt er Kirsten Bråten Berg og Gunnar Stubseid. Og ein har prøvt å hindre at boka kom ut. Meir om dette her.

 (26/10-01)
Per Sæmund Bjørkum i folkemusikktimen i NRK 28. oktober. Her er intervju med han.
 (26/10-01)
Verds-musikk festival i Oslo
I Oslo er det Verden i Norden festival frå 26. oktober til 4. november, og då vert det mykje gild musikk frå mange land, både folkemusikk og dans. I alt blir det 23 konsertar på 8 ulike stader i byen.  Meir her.

 (26/10-01)
Boka til Steinar Ofsdal
"Norsk folkemusikk og Folkedans" får ein lang og positiv omtale i Aftenposten 23. oktober, underteikna Knut Utler. Boka er meint som handbok for lærarar og andre og har som vedlegg ein dobbelt-CD med mange ulike musikkdøme. Utler hevdar at boka er eit nybrottsarbeid og at ho høver godt for målgruppa. Han spekulerer også over kvifor norske skuleborn og andre kjenner så lite til vår eigen folkemusikk. Han vonar boka kan vere med å rette på mishøvet.

 (25/10-01)
Hulda Garborg også i Norsk Husflid
I nr 5/2001 av Norsk Husflid finn vi ein lang og informativ artikkel om Hulda Garborg og innsatsen hennar for norske folkedrakter og kultur. Artikkelen tar mellom anna utgangspunkt i den fine Bunadutstillinga på Asker museum i sumar i samband med NU-stemnet.

 (25/10-01)
Rff-prisen til Kirsten Bråten Berg
for 2001. Ho har fått prisen for sin store innsats som kvedar og kulturformidlar gjennom mange år. Ho har vunne landskappleiken to gonger (også kongepokal), hatt ei rad konsertar i inn og utland, og har vore med på i alt 20 plateinnspelingar, tre av dei har fått spelemannsprisen. I desse dagar er ho på ny aktuell med ei ny soloplate: "Syng du mi røyst".
Meir her.
 (22/10-01)
Rff-møtet i Trondheim 19-21 oktober
Det var meininga at Arnestad- utgreiinga om norsk folkemusikk/ folkedans skulle presenterast på fredag. Men no les vi i programmet til Rff-senteret at ho ikkje vart ferdig!

 (21/10-01)
Vegard Vårdal snart ferdig
Musikkhøgskolen. Han skal i haust ha to avsluttande konsertar, torsdag 25 oktober kl 19.30 i Levinsalen og 6. desember i Lindemansalen kl 19.30. Begge konsertane er gratis. På den første blir det ståttestoff etter Svein Eikeland frå Bjerkreim. På den andre konserten blir det både dans og musikk, Rusk blir med, Majorstua spelmannslag, duoen Haltli/Vårdal og duoen Sørnæs/Vårdal, og med etterfølgjande dans. Så her blir det ein spennande kveld.

 (18/10-01)
Tre unge i Italia
Avisa Opdalingen fortel at 3 unge frå Oppdal har vore på folkemusikk- seminar i Italia - Eurofolk 2001. Dei tre heldige er elevar ved Vinstra vg skole, Andreas Bjørkås, Even Røhjell og Erlend Viken. Det var NFD som valde ut dei tre heldige.

  (18/10-01)
Osafestival med vellukka dans
Avisa Hordaland fortel i ei reportasje om eit svært vellukka dansekurs i Vossaspringar på festivalen, med Håkon Dregelid som rettleiar, og ca 30 deltakarar. Om kvelden var det dans ut dei dei små timar til svært fin dansemusikk frå Marylands og austerikske Die Tanzgeiger. 

 (18/10-01)
Gruppa Glima med ny CD
Fredag 19. oktober vert det CD-slepp i Seljord, Granvin kulturhus kl 20. Trioen seier  dei "lagar nytt av gamalt. Med i Glima er Torunn Raftevold Rue (hardingfele), Ragnhild Knudsen (bratsj/hardingfele) og Helene Waage (cello/vokal). Slåttestoffet er både frå Telemark og Vestlandet.
Meir om plata her.
 (15/10-01)
Statsbudsjettet 2001: Ikkje pengar til NU på kulturbudsjettet.
Etter det Nasjonen melder var ikkje NU tilgodesett med løyving over kulturbudsjettet i AP sitt framlegg, noko NU hadde søkt om og vona på. Kan det bli ei endring under Bondevik?

  (15/10-01)
Eit vellukka GD-stemne i Sør-Fron
På stemnet 12-13. oktober var det både mange konsertar og tevlingar. Det var kyrkjekonsert og folkemusikkpub og dansefest. Det var tevling i heile 15 klassar. I spel klasse A vann Leif Inge Schølberg (128 p) frå Vågå  knapt føre Knut Kjøk (127 p) med Erik Bjørke (125) på tredje og Roger Slåstuen (123) på 4. plass.  Leif Inge fekk med seg vandrepremien som hadde gått i ei årrekkje. I dei yngste klassane var det mange deltakarar i spel, færre i dans. Harpefoss Spel- og dansarlag var tilskipar.

 (15/10.01)
Gruppa Fri Flyt med ny CD
CD'en heiter Flyr fritt og er Månedens album i nordisk profil hjå Etnisk Musikklubb. Dette er musikk som sprenger grensene for ulike sjangrar, norske tradisjonar med pols, brudemarsj møter sigøynermusikk, gresk folkemusikk og samisk joik. Gruppa er også på Norgesturne, både i Oslo, Bergen Telemark og andre stader.

 (14/10-01)
CD med Otto Furholt
Nettsida til NRK melder at Vidar Lande på eige selskap har gjeve ut ein CD med opptak med Otto Furholt. Opptaka er frå NRK-arkivet og det er slåttespel frå Agder. Otto Furholt er fødd i 1921, og det er i høve 80-års-dagen hans at CD'en kjem ut. Furholt var i mange 10-år mellom dei fremste spelemennene i Agder. Han fekk kongens fortenstmedalje i gull i 1986.

 (13/10-01)
Knut Hamre vann Vestlandskappleiken
Første helga i oktober var det Vestlandskappleik i Jølster. Knut Hamre vann hardingfele klasse A med Gro Marie Svidal på 2. og Øyvind Vadbø på 3. plass. Anders Eikås vann hardingfele klasse B og Benedicte Maurseth klasse C. Det var mange deltakarar i dans, særleg i yngste klasse. Her er fullstendig resultatliste.

 (13/10-01)
Vellukka stildanstreff på Hamar
søndag 7. oktober. Moulineten stildansgruppe hadde invitert dansarar frå andre dansemiljø på Østlandet til dansing og sosialt samvær. Marita Ramstad var instruktør. Det var knapt 30 deltakarar i alt. Her er bilete og namn på deltakarane.

 (12/10-01)
Chateau Neuf Spelemannslag spelar
fast på "Nye Cordial" i Storgaten i Oslo. Dei skal spele der annakvar måndag - første gongen var 8. oktober. Cordial er ein av dei verkeleg klassiske brune kafeane/pubane i Oslo. Dei tre siste åra har gruppa - 15 totalt - gjeve ut 3 CD'ar, "Sspell", "Tjuvgods" og "Curing Norwegian Stiffness" 

  (12/10-01)
Fin haustfest i Rundsnuen!
På Rundsnuen sin haustfest 6. oktober i Storsalen i BLS i Oslo var det fullt hus 140 (nokre kom ikkje inn) og god stemning, ikkje minst på grunn av framifrå dansemuikk ved Sven Nyhus kvartett. Sven og dottra Åshild hadde også ein minikonsert før dansen, og det vart vel motteke. Sven Nyhus sitt orkester er ikkje så ofte å høyre på dansefestar lenger, og det er synd!

 (7/10-01) 
Årbok for norsk Folkemusikk 2001
ligg no føre og er via Eivind Groven,
komponisten, spelemannen og radioreporteren, som var fødd den 8. oktober for hundre år sidan. Dei som skriv er
Arne T. Aabø, Magne Myhren, Leiv Solberg, Vidar Lande, Steinar Ofsdal og Dagne Groven Myhren. Utgjevar er Norsk Folkemusikk- og Danselag og redaktør  Tore Skaug. Med følgjer også ei n heilt ny CD med Grovenopptak frå NRK. Meir her.
 
(5/10-01)
Ole Bull akademiet får kr 500 000
Pengane skal vera eit tilskot til påbygging av fleire undervisningsrom, øvingsrom og kontor, i tillegg til rehabilitering av det eldste bygget.
Ole Bull festivalen 2001 er via Eivind Groven og vert opna av kulturminister Ellen Horn den 12. oktober

 
(5/10-01)
Marit Jacobsen ny dagleg leiar i NU
Ho startar i jobben 1. januar 2002. Ho har frå 1986 arbeidd i Norsk Musikkråd som studie- og kultursjef. Marit er frå Asker, men har også røter i bygde-Noreg. Mor hennar er frå Voss, fortel ho i eit intervju med Nynorsk Pressebyrå.

 (29/9-01)
Bunadseminar i Valdres 12-14 oktober
Helga 12.-14. oktober 2001 arrangerer Noregs Ungdomslag i samarbeid med Valdres Ungdomslag bunadsseminar på Fagernes. Programmet ser spennande ut. Her er også opplysningar om pris og påmelding.

 (29/9-01)
Knut Buen med to nye CD'ar
Han har i september kome med to nye CD'ar på ein gong. Den eine heiter Spelemannsprøva og inneheld opptak frå ein lang periode, 1965 til 1986. På den andre - Myllargutens draum - spelar Buen slåttar som har tilknytning til Myllarguten, i spelestil og repertoar.

 (27/9-01)
Folkemusikkseminaret 2001 i Valle 19-20 oktober
Tema for seminaret er Hardingfela, og etter programmet å døme blir det eit svært spennande seminar. Konsert med Knut Hamre og Knut Buen, Folkemusikkpub, Messe, konsert med Knut Heddis minne, Hallvard T. Bjørgum held meisterklassar i spel, det blir utstilling og sal av feler, fotoutstilling av Knut Jonsson Heddi og foredrag om felemakar Gunnar Røstad ved Kjell Midtgaard og andre aktivitetar. Les meir om seminaret her.

 (25/9-01)
Selstreffprisen 2001til Eli Storbekken
Selstreffet vart på ny ei fin mønstring av norsk folkemusikk. Mange kjende utøvarar var i elden, som Torill Aasegg (Heimdal), Nini Furuli (Sør-Fron), "Krøklun" frå Sør-Fron, Dalakopa, Nye Ringnesin, Fiin Gammel Aargang, Grindstuen og Midtlis, Pål, Jan og Frode, Oppsop (Heidal). Like eins tre Raulandsstudentar frå Gudbrandsdalen: Linda Grindstuen, Kari Grøsland og Mari Skeie Ljones. Eli Storbekken har vore aktiv i mange 10-år som kvedar, samlar og pedagog. For ei tid sidan var ho med på CD-prosjektet "Det syng" og er no med på det nordiske prosjektet "Kvedar". Ho er første kvinne som har fått prisen. 

 (25/9-01)
Fjøgl fekk første stipendet
Det første ungdomsstipendet frå 'Sparebanken Sogn og Fjordane på kr 30 000 gjekk til Fjøgl (Løvlid, Moldestad, Kroken). Det vart tildelt under Førdefestivalen.

 (21/9-01)
NU-styret får kritikk og støtte
Etter at dei økonomiske vanskane i NU vart kjent, med permittering av alle tilsette på NU-kontoret frå 1. oktober og ut året, kom tidlegare styreleiar i NU Anders Gjerland med sterk kritikk av NU-styret i Nationen (18/9-01), og han meinte styret burde gå av eller stille sine plassar til disposisjon. Han er også kritisk til at NU-leiaren no får lønn frå NU, salet av "NU-butikken", og Gjerland meiner at NU-styret burde gjort meir med økonomien tidlegare. I dagane etterpå har styret i NU, og NU-leiaren spesielt, fått sterk støtte frå mange, mellom andre leiarane i Samfunnsrådet, Teaterrådet, Bunadrådet og Folkedansrådet. Like eins frå leiaren i BUL i Oslo og andre lagsfolk i NU. Dei peikar på at det er positivt at NU-styret viser handlekraft og prøver gjere noko med den svært vanskelege økonomiske situasjonen i NU.

 (20/9-01)
Folkemusikk på Hurtigruta
I midten av august kunne pasasjerane på Hurtigruta Vesterålen frå Bergen til Rørvik og på Nord-Norge tilbake til Bergen oppleve folkemusikk og dans. Det var Randi Torgersen, leiar for prosjektet Den norske folkemusikkscena, som stod for tiltaket saman med Jørn Siemenstad, Ivar Odnes, Kjell Bitustøyl og Nils Øyvind Bergset. Dei hadde tre program kvar dag, og dei meiner at tiltaket vart godt motteke av turistane om bord. Truleg blir det liknade tiltak neste sumar.

  (20/9-01)
NU i store økonomiske vanskar
Frå 1. oktober og ut året blir alle dei 4 tilsette i sentralleddet (Kontoret) til Noregs Ungdomslag permittert. NU-leiar Johan Einar Bjerkem seier til Sunnmørsposten at NU har fått redusert tilskota sine med 10%  per år dei siste 10 åra, og fått ein samla reduksjon på minst 2/3 av statstilskotet. Årets kr 700 000 i stønad er oppbrukt. Reglane for stønad krev at 60% av medlemene skal vere under 26 år, og slik er det ikkje i NU. NU har no inne søknad til Kulturdepartementet om driftsstønad. NU har i dag ca 16000 medlemer, ca 600 ungdomslag og 350 ungdomshus. Som eit av sparetiltake skal NU flytte til nye og billegare lokale hjå BUL i Oslo.

  (19/9-01)
Jenter spelar på Myllargutkonsert
Den 14. oktober blir det "avslutningskonsert" for Myllargutåret i Gamle Losjen i Oslo. På konserten vil ein sjå på framtida for folkemusikken. Og typisk for vår tid blir det berre jenter med i konserten. Kven som blir med på konserten er enno ikkje bestemt, eir Magnar sundt til Aftenposten 19/9-01.

 (19/9-01)
Slått som ringetone på mobilen?
Det kan du få her. Det kostar kr 10.

 (16/9-01)
Møte i Rff 19-21 oktober
Rff har representantskapsmøte på Dragvoll i Trondheim. Fredag kl 19 vert Arnestadutgreiinga presentert. På laurdag snakkar Leif Rygg om formidling, og festkveld med utdeling av Rff-prisen 2001. Søndag er det om Etnisk musikklubb og presentasjon ved prisvinnaren. Presentasjonane er opne for alle.

 (16/9-01) 
Markeringsdag for NU 22. september
NU arbeider med synleggjering - Aksjon Lokalkultur, Kultur i sentrum. Den 22/9 er peika ut til markeringsdag. Då skal ungdomslaga syne fram aktiviteten sin. Den dagen skal NU også overlevere underskriftslister til Barne og familiedepartementet for å få dei til å endre forskriftene for støtte til barne og ungdomsorganisasjonar.

 (16/9-01)
"Kven veit?" utsett til 2002
Kven veit er som kjent den landsomfattande spørjetevlinga til NU. Av økonomiske grunnar blir første runden i februar 2002, men påmeldingsfristen er 15/11-01. Tema for tevlinga vert norsk film og eventyråret.

 (16/9-01)
Frode Haltli held mange konsertar
Han er både klassisk akkordionist og folkemusikar på trekkspel. Han held mange konsertar. Søndag 16. september har han lanseringskonsert i Kulturkirka Jacob i Oslo. I vår vart han kåra til Årets Unge Solist 2001 under Festspela i Bergen.

 (14/9-01)
Linda Røyrseth fekk pris
Den 19 år gamle kvedaren frå Meland i Nord-Hordland fekk 8. september Medaasprisen 2001 under ei tilstelling i Bergen. Linda rykte i år opp i A-klassen i kveding, og har Kjersti Wiik som viktigaste læremeisteren sin. Linda driv også med innsamling, gjev konsertar og underviser.
 (14/9-01)
Bunadseminar i Valdres
Helga 12. – 14. oktober 2001 arrangerer Noregs Ungdomslag i samarbeid med Valdres Ungdomslag bunadsseminar på Fagernes i Valdres. Her er meir informasjon.
 
(14/9-01). 
Instruktørsamling i Trondheim
Stil og kvalitet i turdansen er tema for samlinga av instruktørar i Trondheim 9 - 11 november. Egil Bakka og Folke Flatland er instruktørar. Frist for påmelding er 19. oktober. Pris, leikfest medrekna, er kr 1000. Her er meir info om samlinga.

 (14/9-01)
Gild Distriktskappleik på Røros
Helga 7-9 september var det distriktskappleik på Røros. Det er ein stor kappleik, med nesten 200 påmelde grupper, solistar og lag i 30 ulike klassar. sør-Fron vann lagspel både i klasse A og B  både serior og junior. Dessutan vann leiaren deira Erik Bjørke A-klassa i fele. Nina Ovren Furuli, Sør-Fron, vann B-klassa i spel føre Hans Sandum, Heidal, og Hans Brimi, Lom. I C-klassen delte Aslak Opsahl Brimi, Lom, førsteplassen i spel med Andreas Bjørkås frå Oppdal.  Aud Johanne Jermunds og Stein Vidar Sundt frå Brekken vann A-klassa i dans med pols frå Feragen. Marte og Øyvind Sandum vann dans klasse B med Vågåspringleik. Lausdansarane kom stort sett frå Østerdalen, medan alle som spela langeleik kom frå Gjøvik. Her er full resultatliste. 

 (10/9-01)
Etnomusikologi i Rauland
I dagane 7-10 september er det 17. europeiske seminaret om etnomusikologi. Frode Nyvold ved Institutt for folkekultur leiar seminaret som samlar ca 50 deltakarar frå fjern og nær.
  
(10/9-01)
Sommarkurset til NU 2001
i august var i år på Trondarnes folkehøgskole. Til saman var det ca 80 deltakarar frå heile landet på kursa i folkemusikk, folkedans, bunader og teater.

 (9/9-01)
 
NU-leiar Bjerkem i valkampen:
Johan Einar Bjerkem slapp i august til i Nationen som gjesteskribent, og kommenterte mellom anna det statsminister-kandidatane ikkje diskuterte av kultur.

  (9/9-01)
Profesjonell folkedans i Sogn og Fjordane?
Prosjektet "Bygda dansar" har for 2001 fått kr 159 000 av Norsk Kulturråd til oppstartsmidlar og for 2002 får dei kr 500 000 til vidareutvikling av prosjektet. Det er Rff, Sogn og Fj. Folkemusikklag, Sogn og Fj. Ungdomslag og Sogn og Fj. Teater som står bak prosjektet. Målet med prosjektet er tredelt: Sikre at landet har gode individuelle dansepar /hallingdansarar i ulike tradisjonar. Sikre at landet har gode folkedansensemble. Og å utvikle nye idear og teknikkar for presentasjon av dans. Egil Bakka er prosjektansvarleg.

 (09/9-01)
Ny CD med Synnøve S. Bjørset
Synnøve, som er 22 år, frå Jølster og studerer folkemusikk på Musikkhøgskolen, kjem med sin første CD 24. september. Det er NORCD som gjev ut CD'en som har fått tittelen "Ram". Musikken er frå Sogn og Fjordane mest og Vestlandet elles. Synnøve har hatt Sigmund Eikås og Håkon Høgemo som sine fremste læremeistrar.  Plata er den tredje i ein "serie" med unge utøvarar, dei to første var Lars Underdal og Åse Teigland. Synnøve er månadens artist for september i Norsk Folkemusikkatalog.

 (9/9-01)
"Låvende saker" svært vellukka
I august arrangerte Øystein O. Rudi konsertar og kurs heime på garden sin. Han fortel til Nationen (31/8) at kvar dag var det mellom 350 og 400 besøkande, og at stemninga var fantastisk. Publikum kom både frå nær og fjern. Fredag var det ca 40 artistar i sving og laurdag nærare 75. Rudi reknar med at det blir liknande tiltak neste sumar.
 
(3/9-01)
Spennande konsert i Trondheim
I dagane 4-9 september er det Kammermusikkfestival i Trondheim, og folkemusikk har også fått plass, fredag 7. sept kl 18.00 i Erkebispegarden, Herresalen. Mellom andre deltar Nils Økland.

 (29/8-01)
Til Stockholm?
Då kan du stikke innom Folkmusikhuset. Der er det mykje som skjer utover hausten. et startar 2. september. søndagane framover er det ulike kurs. 

 (30/8-01)
Osa-festivalen 12-14 oktober
Programmet for denne 9. festivalen i rekkja ligg no føre. Det kjem musikarar frå Finland, Austerrike og  Irland i tillegg til Noreg. Dette er ein festival som knyter saman klassisk musikk og folkemusikk. Sjå her.

 (28/8-01)
Ny plate med Haldor Røyne
Plateselskapet Ta:lik i Valdres kom i sumar med sin andre CD. Opptaka er til dels private og delvis litt teknisk dårlege fortel dei til Nationen. Opplaget er på 2000. Fleire prosjekt er under planlegging, berre dei får støtte. Dei som står bak selskapet er brørne Niels og Anders Røine, Frode Rolandsgard og Tore Bolstad.

 (25/8-01)
FolkemusikkPøbb i Oslo
Hausten 2001 blir PØBB'ane i Oslo på Asylet (Grønland 28). Den første i år blir 23. august kl 20.00, der det blir "bakgårds-buskspill-jam" med ulike artistar og presentasjon av høstens program på FolkemusikkPØBBEN og konsertserien OsloFOLK. Meir her.
 
(18/8-01)
E2002 søkjer etter talent
E2002 er ei gruppe i NU som arbeider med aktiviteten i 2002. Dei har fått pengar av KUF til prosjektet "Frå øvingsrom til scenegolv", og vil ha tak i unge som er flinke å spele til dans, synge, spele teater eller danse. Den første store presentasjonen av resultata av prosjektet blir  på Folkekulturfestivalen på Beitostølen neste sumar. Det skal vere om lag 30 ungdomar i gruppa som skal få god opplæring og dekte utgifter og litt betaling. 
"Påmelding": E2002
NU, Pb 414 Sentrum, 0103 Oslo post@folkekulturfestivalen.no
  
(10/8-01)
Aksjon lokalkultur - Kultur i sentrum 
i slutten av valkampen. Landsrådet for Barne og Ungdomsorganisasjonar med over 1 million medlemer stør tiltaket. NU oppfordrar alle lag og foreiningar å flytte øvingane sine til rådhuset i byen/bygda. Sjå meir her.
 (9/8-01)
Bryllupsmusikk?
Heilo gir i sumar ut ein samle-CD med "bryllupsmusikk". Plata heiter "Tre dagar til ende" og inneheld kjende brureslåttar, brudevalsar og marsjar. Det er kjente utøvarar som spelar. Kanskje dette kan bli ein del av musikken den 25. august?
 
 
(9/8-01) 
Ragnhild Furholt er månadens artist i Norsk Folkemusikkatalog for august. Ho er kjent kvedar, fekk kongepokalen på  landskappleiken i år, har vunne kappleiken 3 år tidlegare og kjem i sumar med ny plate: "... på alle strengjer".
 (9/8-01) 
NU bør ta sjølkritikk
seier Vidar Lund, leiaren i BUL i Oslo, til Nationen 8/8-01. Han meiner NU må revurdere sine prioriteringar og etterlyser større samfunnsengasjement. Det er ikkje nok med folkedans, bunad og teater, meiner han. Han nemner at talet på utsendingar på årsmøtet viser at sakene i NU ikkje engasjerer nok. I 1996 var det 300 utsendingar frå lokallag og fylkeslag, medan det i 2001 berre var 111.
 
(8/8-01) 
Men NU-leiar Johan Einar Bjerkem avviser kritikken frå Vidar Lund. Bjerkem hevdar i Nationen 9/8-01 at NU er samfunnsengasjert, men at dei ikkje er flinke nok til å synleggjere dei ulike sidene ved NU sitt arbeid, og formidle NU sitt samfunnsengasjement.
  
(9/8-01) 
Sylvi Kaupang sluttar som general- sekretær i NU 1. november 2001
I eit intervju i Nationen 7/8-01 fortel Sylvi Kaupang Paulsen at ho er trøytt og sliten av å kjempe med dårleg økonomi i NU. Etter fleire år med spinking og sparing gjekk NU i år 2000 med 350000 kr i driftsunderskot. Stillinga som generalssekretær blir lagt ned og erstatta med dagleg leiar. NU vart sist slanka  frå 7 til 5 sentralt tilsette, og skal no redusere til berre 4. Ho meiner at største feilprioriteringa i NU har vore arbeidet mot Barne- og familiedepartementet, som etter regelendringane i 1997 ikkje lenger rekna NU som barne og ungdoms- organisasjon.  Av totalt 18000 medlemer er ca 6000 i dag under 26 år, og prosentvis er det for få. Ein burde i staden jobba meir mot Kulturdepartementet for å få støtte til folkedans- og bunadarbeidet. Det vart gjort frå mars i 2001. Dersom ting ikkje endrar seg radikalt, trur eg NU vil avgå ved døden, seier Sylvi K. Paulsen pessimistisk.
 
(8/8-01) 
Bolstads minnepris til Gunnar Kværne Amundsen frå Aurdal
På Hilme-stemnet fekk han utdelt minneprisen på 5000 kr for 2001.
 
(8/8-01)
Telemarkfestivalen vellukka
Også i år blir det meldt om ein vellukka festival: Vel  4400 besøkande (noko meir enn i fjor), knapt 3000 selde billettar, 150 artistar på 25 tilskipingar, 160 kursdeltakarar og 150 dugnadsfolk er festivalen i tørre tal. Eckbo Legaters folkemusikkpris på kr 15000 vart delt ut for første gong og gjekk til Ottar Kaasa (17) frå Vinje. Festivalen ser ut til å gå i balanse.
 
(8/8-01)
Vellukka Hilme-stemne 2001
Veret var fint, og det var mykje folk på Jørn Hilmestemnet på Fagernes siste helga i juli. I alt var det ca 5000 besøkande og 130 personar var med på tevlingane. I tillegg til kappleik var det mange konsertar, teater  og anna. For første gong fekk stemnet støtte frå Norsk kulturråd.
 
(8/8-01)
Leikarringen Symra på festival i Tyskland
Kvart år reiser nokre norske leikarringer og spelemannslag på turar til utlandet, ofte kan det vere på festivalar. Leikarringen Symra frå Oslo var ein av dei som reiste sumaren 2001 - denne gongen til Neustadt i Holstein i Tyskland. Saman med grupper frå 12 andre land var dei ei veke i lag, og hadde det strålande. Her er ein del glimt frå turen.
 
(8/8-01)
Pengar frå Norsk Musikkråd til LfS
LfS har fått tildelt kr 222 900 av tilskotsordninga Frifond, melder Spelemannsbladet 5/2001. Lokallag kan søke om stønad til barne og ungdomsarbeid, og laget må ha minimum 1/3 av medlemene under 26 år. Søknadsfrist er 1. september.
  
(21/7-01)
Opplærings-CD i song frå Valdres
Øystre Slidre spel og dansarlag har gjeve ut ein CD og eit teksthefte basert på eit kurs dei hadde i volkal folkemusikk i 2000. Det er songstoff frå heile Valdres. Songen har fått tonefylje på hardingfele, fele og langeleik. Dei som syng er: Kristin Guldbrandsen, Eli Marit Fuglesteg og Knut Arne Jacobsen. CD'en skal delast ut gratis til alle borna i småskolen i Øystre Slidre.
  
(21/7-01)
Knut Buen med nytt plateselskap
"
Nyrenning" heiter det nye plateselskapet, og den første CD'en heiter "Felesong". Selskapet er ein del av "Buen Kulturverkstad" og skal gje ut nyskaping. Felesong er dominert av folkesongar tolka på hardingfele av Knut Buen sjølv, dels med assistanse av Kåre Nordstoga på tangentinstrument.
  
(21/7-01)
Fint NU-stemne i strålande ver
NU-stemnet 2001 var i Asker 4-8 juli, med BLS som tilskiparlag. Stemneområdet låg fint til i Asker og dei fleste aktivitetane var på Bleiker og Bondi skolar, og i Bondihallen og Askerhallen. Men også i Kulturhuset i Asker sentrum. Talet på deltakar låg vel på ca 700 i alt, så NU-stemna er ikkje så svært omfattande lenger. Men programtilbodet var både omfattande og godt og det var eit godt organisert stemne.  Vi må nemne konserten med "Åtte potte", "Haugtussa folkedansteater", Kyrkjekonserten, gilde leikfestar, framsyningskappleik, teaterframsyningar, bunadtog, hovudstemne, nattdans, barneleikfest, sommarball og mykje anna. Dessutan var det mange ulike kurs både for unge og eldre. Her kan du sjå ei omfattande biletreportasje frå stemnet.
Les her kva Nasjonen  og Asker og Bærum Budstikke skriv om stemnet.
 
(9/7-01)
På TV: Fin reklame for folkemusikken
Annbjørg Lien, Sigmund Eikås og Ludvik Eikås laga framifrå reklame for norsk folkemusikk  på TV  i beste sendetid i programmet "SommerDag" med Dag Lindebjerg ein dag midt i juli. Annbjørg Lien var gjest på både, og dei farta omkring i Jølster, også innom besteforeldra til Annbjørg. 
   
(19/7-01)
I VG: Fjøgl får god reklame
Tre nakne jenter - Sigrid Moldestad , Unni Løvlid og Liv Merete Kroken - på fin plass i VG i juli, føre Førdefestivalen! Dei omtaler folkemusikkabareen "To feler og ein diva". Og skriv at folkemusikk er i skuddet som aldri før. Sjå her.
    
(19/7-01)
Full klaff for Gamaldansfestivalen 2001 i Melhus
Det blir meldt om 5000 publikum og 900 deltakarar i tevlingane, like mykje som då det var på topp for nokre år sidan. Den største festivalen sidan 1991, fortel Arild Hoksnes til Nationen. 
  
(19/7-01)
Landskappleiken 2001: Folk med formell utdanning i folkemusikk dominerer tevlingane, skriv Gudbrandsdølen/Dagningen. Dette er ei omstridd utvikling, leg dei til.
  
(19/7-01)
Unike folkemusikkopptak i gåve
"Familien" fortel at Oskar Finsrud (84) har gjeve 84 timar på video med lokal folkemusikk til Buskerud Folkemusikksenter. Opptaka er frå 1980 og frå 93 kappleikar. Opptaka skal ha stor verdi som dokumentasjon.
 
(15/7-01)
På festival i Ungarn
På Kalaka-festivalen i Ungaren, den 22. i rekkja med ca 50 grupper frå 22 land, var det også deltakarar frå Noreg og NRK: Annbjørg Lien og Ferdafolk (Ingunn Linge Valdal og Knut Ivar Bøe). Opptak derifrå blir også sendt i NRK. EBU hadde samatundes sitt årlege møte i Miscole.
     
(19/7-01)
Flott Landskappleik 2001 på Rauland!
Det vart ein sers vellukka landskappleik med mykje folk og mange deltakarar På finalekonserten var det visstnok 1500 inne i Ridehallen, og talet på tilreisande ca 3000. Song, musikk og dans på svært høgt nivå, eit godt og presist avvikla stemne, gode forhold for publikum, til dømes god lyd, og stor stemning ute og inne, og nokre gilde konsertar. Kongepokalen (i kveding) gjekk til Ragnhild Furholt, best i hardingfele (kl A) vart Tore Bolstad frå Valdres og på vanleg fele, Torill Aasegg frå Heidal og beste hallingdansar (kl  A) vart Sigbjørn Rua, Jondalen. Premien for beste Myllarslått - ei byste av Myllarguten - gjekk til Øystein Romtveit frå Vinje.  Det var utpeika 3 nye æresmedlemer i LfS: Jan Petter Blom, Olav P. Hjelvik og Lisa Halvorsen.
Alle resultata frå kappleiken finn du her, og her er Nasjonens kommentar.

 Her finn du mange bilete frå Landskappleiken.
 (1/7-01)
NU-stemnet nærmar seg
NU-stemnet i Asker 5-8 juli nærmar seg raskt. NU har sendt ut ei pressemelding der dei minner om nokre viktige ting.
 
(24/6-01)
Gruppa "Marylands" med plate
Marylands er namnet på ei gruppe spelemenn i Bergen rundt Finn Vabø. Under landskappleiken 2001slepper dei ei ny plate med runddansmusikk frå Bergensområdet. Ein uvanleg CD. Svært mange gode spelemenn er med. Her kan du lese ei pressemelding.
 
(23/6 2001)
Folkedansteater - kva er det?
Er ei heilt ny kunstnarleg uttrykksform i ferd med å vekse fram? Teater bygd på folkelege danseelement. I samband med NU-stemnet i Asker 5-8 juni blir stor-satsinga "Haugtussa" vist for første gong. Les kva NU seier om dette i ei pressemelding. 

Prosjektet har no også fått si eiga side!

 
(19/6-01)
Rff treng meir pengar
I første søknadsrunde for 2001 kom det inn 73 søknader om nesten 1,3 mill kroner, og Rff forvaltar berre 0,5 mill., fortel Brit Håland til Aftenposten (17/6.01). Dette er pengar som går til innsamling, publisering, CD etc. Trond Helleland (h) i Kulturkomiteen i Stortinget svarar at folkemusikk- miljøet må samle seg, så kan det bli meir pengar til miljøet.
 
(19/6-01)
Stilig stilball på Tyrifjord hotell
Laurdag 16. juni 2001 hadde Kvadriljetten i Drammen sitt 2. sommarball. Her kan du sjå glimt frå ballet.
 (17/6-01)
Norsk Bunadfabrikk i Afrika
I Norsk Husflid 3/2001 finn vi ei reportasje frå ein norsk bunadfabrikk i Ghana. Det er Ate Lyssand, norsk bunadhandverkar, og Rolf Hagebø, pallegrossist, som står bak fabrikken som har 30-40 arbeidarar. Etter det vi forstår er det mest brodering som foregår, mellom anna av Fanabunad.
 
(17/6-01)
Omlegging av distriktsmusikar- ordninga i Valdres?
Fylkeskommunen i Oppland har foreslått ei omlegging av ordninga, frå 4-årige tilskot til  2-årige prosjekt-tilskot. Dette vekkjer motstand i Valdres, der dei trur at Valdres Folkemusikkgruppe kan bli sterkt skadelidande. Og at omlegginga kanskje kan ha samanheng med at Gudbrandsdalen vil ha ei liknade ordning med det Valdres har hatt. Om dette skriv Valdres på leiarplass.  
 
(17/6-01)
Kronprins Haakon i Fanabunad!
Dei 3-4000 som var på Valdres Folkemuseum søndag 10. juni 2001 fekk oppleve kronprinsen i bunad for første gong offentleg. Museet fyller 100 år , og kronprinsen heldt ein fin tale for jubilanten. Haakon hadde Fanabunad og Mette-Marit sin Rogalandsbunad. Museet er som kjent eit senter for bunadarbeid i Noreg. Også den tyske TV-kanalen ARD var til stades og gjorde opptak til ein dokumentar om kronprinsparet. Det blir sendt til 3-4 mill. tyskarar i august. Les meir her.
Avisa Valdres har funne ut at denne bunaden har Haakon fått som gåve og berre brukt ein gong før i  bryllupet til Aleksander Ferner. 
 
(10/6-01)
BLS-stemnet 2001på Folkemuseet 
Søndag 10. juni vart det tradisjonsrike sumarstemnet til Bygdelagssamskipnaden i Oslo avvikla. Det var fint ver, men ikkje så mykje folk som ein kunne ha venta. Dagen er først og fremst prega av folkedans og folkemusikk i ulike former. Dei to barnelaga til BLS og BUL var i aksjon, og sameleis mange leikarringar og nokre spelemenn. Her kan du sjå ein del bilete frå stemnet.
  
 (11/6-01)
Gode karakterar i bunadstudium!
Det var 22 studentar som fullførte eksamen i 10-vektal-studiet Drakt og samfunn. Dei som står bak er Folkekulturforbundet, Bunad og Folkedraktrådet, Universitetet i Bergen og Vestnorsk Kulturakademi. Frå hausten vert det nytt kurs, søknadsfrist 10. juni 2001. Meir info her.
 
(1/7-01)
Per Anders Buen Garnås vart Fanitull også i 2001
Under Fanitull-tevlinga under Ål-dagane vart Per Anders best for 3. gong. Det var rekordmange -  16 stk - som deltok i oppspelet. I tillegg til Per Anders kom desse til finalen: Øyvind Brabandt (som vart nr 2), Trygve K. Vaagen (som vart nr 3), Jan Beitohaugen Granli,  Tron Westberg og Øystein Romtveit. Som kjent har Olav Thon sett opp pengepremiar til Fanitull-tevlinga. Meir info frå Ål-veka her.
Øystein O. Rudi hadde meldt seg på tevlinga, men trekte seg fordi domarpanelet på 6 berre hadde hardingfelebakgrunn.
 
(27/5-01)
Nytt folkedansstudium ved Rff
Det er oppretta eit nytt folkedansstudium ved Rff i Trondheim. Det gjev 5 vekttal - 2 samlingar i Trondheim i kombinasjon med internett. Studiet startar hausten 2001. Søknadsfristen er 6. juni 2001. Målgruppa er lærarar i grunnskule og vidaregåande skule. Avgift kr 2000. Les meir her.
(29/5-01)
Pengepremiar på Landskappleiken 2001
I finalane (H-fele, fele kl A) får nr 1 kr 6000, nr 2 kr 4000 og nr 3 kr 2000. Elles er det premiar i tinn, tre, rosemåling, fenalår og diverse anna.
(23/5-01)
Løyvingar frå Lff utdelt i april 2001
Dette gjeld tiltaksmidlane. Det kom inn 73 søknader og søknadssummen var 1,3 mill, og det vart utdelt kr 325 000. Her er lista over dei som fekk pengar.
(21/5-01)
Steinar Ofsdal med ny lærebok:
"Norsk folkemusikk og folkedans" heiter boka som kjem på Aschehoug. Boka kostar kr 200. CD'en som høyrer med har 53 lydkutt frå norsk folkemusikk, kostar kr 197. I sal frå juni.
(21/5-01)
Gullharpepris og Åsengfløyta
er prisar som blir delte ut på Landskappleiken til utøvarar i klasse C. I 2001 går Gullharpa til beste i hardingfele og fløyta til beste i eldre folkem.-instrument. Meir her - også tidlegare vinnarar.
(21/5-01)
Arne Sigurd Haugen kommenterer Folkemusikken
Det er ikkje mange riksdekkjande aviser som bryr seg å skrive om norsk folkemusikk og folkedans. Nationen er eit unntak. Haugen slepp i juli til med sine refleksjonar om norsk folkemusikk.

 (25/8-01)
Ny bok av Leif Løchen:
Fra skorofele til salmodikon heiter boka som dokumenterer musikkinstrument i Nord-Gudbrandsdalen. (mars 2001)
 
(mars 2001)
På Vågåtreffen 2001 var det også seminar om bygdedans, med 6 innleiarar, men berre 20 deltakarar. Her la LfS si bygdedansnemnd (Tor Stallvik, Karin Brennesvik og Jan Petter Blom) fram eit utkast til emneplan for opplæring i bygdedans.
 (april 2001)

Bjørkum med ny CD
Vi les (april 2001) at Per Sæmund Bjørkum kjem med CD'en "Berg og vatn" - med musikk frå Nord-Gudbrandsdal, etter Pål Skogum, Torger Olstad og Hans W. Brimi. Han har med seg Øystein Rudi, Tone Hulbækmo, Kåre Nordstoga og Bjørn Kjellemyr som musikarar.
 
(april 2001)

Turdansar frå Austlandet
Noregs Ungdomslag gjev no (april 2001) ut den fjerde og siste CD'en med turdansar til bruk i leikarringane - ein dobbel-CD. Det er Turdansar frå Austlandet. Musikarane som er med på plata er Patrik Andersson, Hilde Sørnes, Vegar Vårdal og Dag Vårdal og fleire. CD'ane vil koste kr 300, men tingar du før 10. april, er prisen 250. Tinging: audun@norung.no el tlf 22477000
 
(april 2001)

Folkemusikkhalvtimen fyller 70 år.
Jubileet skal mellom anna markerast med jubileumskonsert. Første gong vart programmet sendt 8. mars 1931 av Kringkastingsselskapet - forløparen til NRK. Første program- sekretæren var Eivind Groven (1931-1948), så Rolf Myklebust (1952-1978), Sven Nyhus (1978-1988) og Leiv Solberg (1988-). I alt har det blitt sendt ca 3500 program. I arkivet til NRK finst det ca 50000 kutt med norsk  folkemusikk. Andre faste postar med folkemusikk er "Halvbror til reven" - der folkemusikken møter anna musikk, og "Jungeltelegrafen" som handlar om "verdsmusikk".  
  
(mars 2001)

Meir pengar til Norsk folkemusikk og danselag 
Nationen (2/2-01) fortel
at etter at Stortinget i januar ynskte meir pengar til folkemusikken, har Norsk Kulturråd plussa på ein halv million til NFD. Pengane skal særleg gå til å markedføre norske artistar i utlandet. NFD   dispnerer no kr 1.474.000 mot tidligere 964.000. 
 
(feb 2001)

Bok 2001: Olav Sataslåtten 1891-1971
Spenst, lyft og skuv heiter den nye boka om storspelemannen frå Hallingdal. Ho er på 288  sider og kostar kr 300 + porto. Kan tingast hjå Terje Østro 3550 Gol, tlf 32077684
 
(feb 2001)

Turnestøtta - ei "ny" støtteordning for "Formidling av folkemusikk og folkedans" - skal Rff no administrere. Årleg sum på kr 500 000. Søknadsfrist er 1. mars 2001. Meir her.
 (mars 2001)

Hallvard T. Bjørgum drog i midten av februar 2001 til Vancouver i Canada som invitert gjest til eit svært stort bransjetreff : "13th Annual International Folk Alliance Conference" . Meir her.
 
(mars 2001)

Folkemusikktimen 28. jan. 2001 handla om Folkemusikk på Internett. Vi fekk mellom anna høyre slåttar frå Christian Borlaug si heimeside, frå USA og frå Sverike. Her finn du mange linkar til musikk på internett.
 
(jan 2001)

Chateau Neuf Spelemannslag med ny plate
Plata med namnet "Curing Norwegian Stiffness", vert sleppt den 4. mars 2001på Soria Moria festivalen i Oslo. Dette blir den femte CD'en til CNS. Frå før har dei to norske  "Spell" og "Tjuvgods", dessutan Gamle Guro" på det tyske plateselskapet Feuer & Eis, og  "Stolen Goods" på det amerikanske selskapet North Side. Les meir her.
 
(mars 2001)
I levande live
er namnet på ein konsertserie til  Norsk Kulturhus Nettverk.  Ein liknande serie hadde dei også i fjor. Det står kjede namn på plakaten: Annbjørg Lien, Vamp med gjester og Sidsel Endresen. Meir her. 
Sjå også "Alt som skjer"
Her finn du konsertruta til Annbjørg Lien, og her til Vamp.
 
(feb 2001)
Også Jørn Hilme stemnet får festivalstøtte i 2001  for første gong. Dei andre vanlege festivalane får:
Førdefestivalen kr 1,5 mil
Osa-festivalen: 100000 kr
Telemarkfestiv: 650000 kr
Ål-festivalen: 450000 kr
 
(feb 2001)
Vestafolk til Falun 9. februar 2001
Gruppa Vestafolk frå Sogn og Fjordane, deltek på Falun folkemusikkfestival - festivalen Norrsken 2001. Det er 12 av dei 14 som er med i gruppa, som deltar i Falun, med eit delvis nylaga program - og programmet er noko annleis og stuttare enn det dei viste på Førdefestivalen sumaren 2000. Fredag 8. februar hadde dei generalprøve i Oslo. Her er nokre glimt frå generalprøva.
Det vert fortalt at framsyninga i Falun gjekk svært bra!
 
(feb 2001)
Ny stildansgruppe i Trondheim
I januar 2001 startar Leiklaget i BUL og Malvik Folkedanslag ei stildansgruppe. Det foregår på Gildevangen, Lagssalen søndagar:
28. januar kl 19-21.30
11. februar kl 18-19
25. februar kl 19-21.30
11. mars kl 18-19
25. mars 19-21.30
22. april 18-19
13. mai 18-19
(Kjelde: Olav Mogstad)
 (jan 2001)
Magne Kvamme - den kjende norske felemakaren - har fått ei framifrå heimeside, med mykje god informasjon.
 
(feb 2001)
Løn til leiaren i NU?
Tradisjonelt har alle tillitsverv i organisasjon- ane vore uløna. No vert det drøfta i NU om leiaren skal ha lønn - bli frikjøpt til å bruke meir tid på å profilere organisasjonen. Det går ut høyring om dette til laga i NU før jul 2000.
 
(nov 2000)
Sølja sitt 20dagsball 2001 
på Stange ved Hamar var det 13. i rekkja, og med ny rekord: 150 deltakarar. Stildansball er sanneleg omtykt for tida. Her er nokre glimt frå festen.
 
(jan 2001)
Magne Bøe si plate i Dagbladet!
Kryss i taket. Ei folkemusikk-plate vart kort omtala i Dagbladet rett før jul 2000. Det er bilete av Annbjørg Lien og Henning Sommerro, som deltar, og det framgår at dette er den første norske CD med både audio- og datafil. Både Dovre og Lesja kommuner har støtta CD'en økonomisk. Magne Bøe er som kjent frå Dombås.
 
(jan 2001)
Telemarkfestivalen 2001 har lagt fram programmet sitt. Dei lovar ein "moderne folkemusikkfestival" med vekt både på tradisjonsmusikk og nytt innan folkemusikken. Det blir mellom anna "folkemusikk inspirert rock i Myllartradisjon", det blir vekt på Balkan-musikk, frå Irland. Opningskonserten blir Kvedar 2001 med 4 kvedarar frå Telemark.
 
(april 2001)
Den norske Folkemusikkveka på Ål er 22-27 mai.
Det blir eit omfattande
program med mange spennande innslag: Hauk Buen, Kirsten Bråten Berg, Øyvind Brabandt, Kvarts, Majorstuen spelemannslag ..., ja svært mange av dei aller beste. 
 
(april 2001)
3 plateslepp på Ål-festivalen 2001
Ikkje mindre enn 3 plateslepp blir det på ÅL-festivalen i slutten av mai. Toraderspelemennene  Stave, Tveito, Johannesen og Håheim frå Hallingdal gjev ut "Brennheiten". "Blåmann Blåmann" frå Telemark gjev ut CD'en "Blåmann Blåmann" og gruppa Kvarts kjem med CD'en "Filigran".
 
(mars 2001)
Førde Internasjonale Folkemusikkfestival er 5-8 juli. Programmet har "Musikk langs silkevegen .." som overskrift, og framståande musikarar frå Kina til Syria. Elles mang spanande grupper og artistar - utanlandske og norske.
 (april 2001)
Ny katalog frå Etnisk Musikklubb
kom i byrjinga av april 2001. I nordisk profil er månades album to spennande CD'ar: Finsk-svenske Gjallarhorn med plata Sjofn samisk/norsk svenske Jienat med CD'en Daja.
 
(april 2001)
Håkon Høgemo i intervju i "Dag og Tid" 15. mars 2001:
Vil ikkje delta på landskappleiken meir - har delteke nok. Det seier Håkon i eit intervju etter spelemannsprisen 2001.
 
(mars 2001)
Jubileumskonsert i Store Studio
Folkemusikktimen 70 år, og det blir ein gild konsert i Store studio. Konserten vert sendt i P2 den 18. og 25. mars. Mange gode krefter er med. Bestillingsverk også - frå Nils Økland - musikk ved Steinar Ofsdal, Øyvind Barabant, brørne Aastad Bråten, Einar Olav Larsen, gode kvedarar og mykje meir. Les meir her.
 
(mars 2001)
Steinar Ofsdal mars månads artist i Norsk Folkemusikkatalog.
Han er aktuell med læreboka "Norsk folkemusikk og folkedans" til hausten, med CD frå heile landet, skal på rikskonsertturne og detar på folkemusikktimen sin jubileumskonsert. Les meir om det her.
 
(mars 2001)
Spelemannsprisen 2001: Håkon Høgemo vann!
For soloplata "Solo" på 
NOR-CD. 
Domarar i klassen: Vidar Lande, Gunnar Stubseid, Vegar Vårdal, Hilde Bjørkum, Tone Winje.
 (april 2001)
OsloFOLK - ein ny konsert- serie i Oslo. Folkemusikk- SCENA står bak i samarbeid med kulturslottet Soria Moria på Torshov. Første konsert med Chateau Neuf Spelemannslag søndag 4. mars kl 21.
 
(feb 2001)
Åtte millionar til jazz, rock og folkemusikk frå årets "Musikkverkstedsordninga" blir det meldt 1. mars 2001. Det er Norsk Musikkråd som står for fordelinga. 328 av 885 søknader vart innvilga, stort sett mellom 10 og 20000 kr per tiltak. Neste søknadsfrist er 15. november 2001. Her er full liste over tildelingane. Det vert også utlyst 1 mill kr til verdsmusikk, med søknadsfrist 1. april.
 
(mars 2001)
Etnisk musikklubb fyller 5 år 8. mars, og kjem i løpet av våren 2001 på internett. Medlemstalet har no passert 2000, og har no gjeve ut 6 CD'ar til saman. Arne Fredriksen er dagleg leiar.
 
(mars 2001)
Spelemannsbladet 1/2001 melder nytt frå LFS-styret:
- Spelemannbladet er godt, men går med for stort underskot
- Flytting av årsmøtet til huaten blir vurdert
- Tevlingsprogrammet på Landskappleiken som før
- På Landsfestivalen vert det ikkje endring for solo andre instrument.
 
(feb 2001)
Leiar Bjerkem: NU er ein viktig folkemuiskk- og folkedansorganisasjon!
I nr 1/2001 av Spelemannsbladet prøver Bjerkem å tilbakevise påstandane frå Arnestad om at NU står på sidekanten. Han påviser at når det gjeld kurs i folkedans er NU langt større enn LfS.
 (feb 2001)
Folkemusikk i bryllupet?
Skal det vere folkemusikk i bryllupet til Håkon og Mette Marit? Thor H. Bøhle har foreslått det og bede LfS arbeide for at både dans og spel skal kome fram under bryllupet. Styret i LfS har handsama saka og vil spørje slottet om korleis dei stiller seg til sprørsmålet.
 
(april 2001)
Lisa Halvorsen har slutta i NRK
Ho er blitt pensjonist våren 2001, 66 år gamal. Som 19-åring byrja ho i 1954 som midlertidg kontorassistent i grammofonarkivet  i NRK.  I 1957 vart ho sekretær for Rolf Myklebust, og i 1960 byrja ho å lage eigne folkemusikkprogram. Ho han arbeidd i fleire programseriar: "Folkemusikktimen", "All verdens folkemusikk", "Jungeltelegrafen" og "Det flyvende teppe". På Landskappleiken i Rauland vart ho utnemt til æresmedlem i Landslaget for spelemenn.
 
(april 2001)  (juli 2001)
Finn Vabø: 476 slåttar på CD
Spelemannen Finn Vabø (70) har spela inn "heile" repertoaret sitt på CD-ROM, les vi i Spelemannsbladet (2/2001). Innspelinga har vart i 5 år. Ein stor del av dette er lite brukte runddansslåttar. Opptaka utgjer 20 timar med musikk og historier. Reidun Aske og Solveig Krokeide  har leia arbeidet.
 
(april 2001)
Verdsrekord i Gamaldans i Sverike?
Laurdag 1. september 2001 blir det rekordforsøk i talet på gamaldans-dansarar. Det skjer på Gammaldansens dag og det er Svenska Ungdomsringen som står bak tiltaket.
 (april 2001)
Calmars notesamling
tok Kongsberg spel- og dansarlag fatt i og heldt konsert i januar 2001. Notesamlinga er frå 1751 og er ei av ca 20 slike frå 1700-talet i Noreg. Anne Svånaug Haugan stod i brodden for tiltaket. Dei freista mellom anna å vise likskapen mellom dansar i distriktet (Numedalsspringar/Telespringar) og gamle menuettar. Notesamlinga kan kjøpast av laget i Kongsberg. Meir her.
 
(mars 2001)
Norrsken til Røros i 2002
1.-3. februar blir denne tilskipinga på Røros. har normalt vore i Falun.
 
(april 2001)
Får Glåmos spelemannslag bruke siter på Landskappleiken?
Nationen (17/3-2001) har intervjua Magnar Sundt i LfS om bruk av "andre" instrument på Landskappleiken. "Dåm og drag" vart som kjent diskvalifisert på distriktskappleiken på Løten fordi dei hadde med karinett. Og no har Glåmos fått problem. Dette blir teke opp på styremøte i LfS. Les meir om saka her. 
Siste: På styremøtet til LfS i mars vart føresegnene endra slik at Glåmos får delta med siter, og Romsdal med klarinett!
 
(mars 2001)
Sal/kjøp av hardingfeler
Christian Borlaug har nyss (mars 2001) opna ei ny heimeside for sal og kjøp av hardingfeler. Adressa er www.hardangerfiddle.com
 (mars 2001)
Gild minnekonsert for Arne Røine
Laurdag 28. april 2001 skipa Laget for Folkemusikk og Valdreslaget ein fin minnekonsert for Røine som døydde før jul 2000. Det var mange til stades, og mange varierte innslag på ulike instrument. Her finn du glimt frå konserten.
 
(3/5-2001)
"Frå Hulda til Heimen"
Bunadutstillinga på Asker Museum i samband med  Garborg-året opna tysdag 1. mai 2001 kl 14 ved Aagot Noss og Elisabeth Stabell. Utstillinga varer til 19 august 2001. Her er glimt frå opninga.
 (3/5-2001)
Folkemusikkstipend 2001
Toårige arbeidsstipend gjekk til Øyvind Brabant, Sigrid T. Moldestad og Einar Olav Larsen. Finn Vabø fekk "stipend for eldre fortente kunstnarar", og Reise/studiestipend til Grethe M. Rudi Bråten, (kr 30000), Sinikka Langeland (25000), Åse Teigland (22000), Trygve K. Vaagen (23000), Bjarte Aarseth (50000), Berit Opheim (20000).
 (30/4-2001)
Stor munnharpe på sokkel
Framfor Valle vidaregåande skole vart ei munnharpe på 3,40 m avduka 24. mars 2001. Blir det oppføring i Guinnes Rekordbok?
 
(30/4-2001)
NRK-pris til Elias Akselsen
I samband med 70-årsjubileet fekk han prisen for 2001 for å fremje dei reisande sin musikk.
 
(april 2001)
Årsmøtet i NFD 24. mars 2001
På årmøtet vedtok dei eit tillegg til føremålsparagrafen: NFD skal "ivareta utøvarane sine faglege, økonomiske, sosiale og kunstneriske interesser". Det nye styret er slik: Hallvard Kaasa (leiar, attval). I styret: Maria Høgetveit Berg (attval), Harald B. Knutsen (attval), Tarjei Haugen (vara, ny). Frå før i styret: Helene Høye, Inge Midtveit, og vara: Tarjei Haugen, Tore Bolstad og Norleiv Vinjerui.
 
(april 2001)
Månadens artist i mai 2001:
I Norsk folkemusikkatalog er Kroken/Moldestad mai-artistar. Øyvind Brabant var april-artist.
 
(april 2001)
Doktorgrad på folkemusikk
Det har Ove Larsen ved Høgskolen i Nesna i Nordland teke, med avhandlinga "Drevja-slåttenes estetikk - verdinormer nedfelt i folkelig uttrykksform". 
 
(april 2001)
NU-stemnet 2002 blir festival!
I 2002 skal NU-stemnet kallast Folkekulturfestivalen og skal gå av stabelen på Beitostølen. Meir info snart!
 (april 2001)
Uventa reklame for CNS (?)
I Osloposten 26/4-2001 blir den nye plata til Chateau Neuf Spelemannslag "Curing Norwegian Stiffness" omtala og får terningkast 5. "Funky folkeviser" er overskrifta. Og Tomas von Brømsen blir sitert: "Jag blir så fruktansvärd glad när jag hør dom"!
 
(april 2001)
Stor bunadutstilling
på Ski Storsenter, Ski, 24. - 28. april. Truleg ca 40 ulike bunader frå Voss, Tinn, Valdres, Romerike .... Bunadekspert Randi Simensen vil svare på spørsmål.
 
(april 2001)
Vikariat som fagkonsulent i folkedans?
Rff treng fagkonsulent i folkedans, søknadsfrist 25. mai 2001. Tlf: 73596575
(21/5-01)
Folkemusikk i Hardanger
Den 6. kammermusikkfestivalen i Ullensvang 31 mai - 4. juni får innslag av folkemusikk. Arve Moen Bergset blir nemnt  mellom dei nasjonale størrelsane, medan den lokale folkemusikken blir tatt vare på av Knut Hamre, Frank Rolland og Einar Mjølsnes, skriv Aftenposten.
(21/5-01)
Mette-Marit med ekte bunad?
I VG (11. mai) er Tove Gulsvik i Norges Husflidslag og Solvår Skogen Sæterbø i Norges Bondekvinnelag kritisk til at Mette-Marit nyttar "fantasidrakt" i staden for bunad. I konfirmasjonen til niesa si hadde vår komande konnprinsesse ei drakt som var designa av Eva Lie. Eva Lie står også bak 1000-års-drakta som har vorte svært populær. Både Gulsvik og Sæterbø meiner at Mette-Marit bør velje bunad ved representasjon. Dei minner også om kor flink dronning Sonja har vore å nytte bunad.
 
(10/5-01)
Kvarts i Konserthuset i Oslo
Det vart ein spennande og vellukka konset i Konserthuset i Oslo 6. mai. Små glimt her.
(13/5-01)
OleBull Akademiet får 3 mill ekstra
Frå Fritt ord får akademiet 3 million kr. Pengane skal gå til vidae utbygging av akademiet. Les meir her.
(13/5-01)
"Eg rodde meg ut" popvise i Serbia!
Reporteren Åsne Seierstad syng visa på ei poplate i Serbia, og no går popvisa oppover på listene! Meir her.
(13/5-01)
Pris til Hemsing-jentene i Aurdal
Søstrene Eldbjørg og Ragnhild Hemsing frå Aurdal i Valdres har henta heim høgthengande musikkprisar frå Tjekkia. På fiolin denne gongen, men dei spelar som kjent også hardingfele.
(13/5-01)
RFF manglar pengar 
Rådet for folkemusikk og folkedans har kvart år kr 500 000  til tiltak som innsamling, plateutgjevingar, bokutgjevingar, opplæring etc., og dette beløpet har ikkje auka etter 1992. for siste halvår var søknadssummen ca 1,3 mill kroner, og berre 250 000 kr til rådvelde. Rådet ber om meir midlar frå 2002. Les meir her.
RFF har for første gong også ansvaret for å dele ut den såkalla turnestøtten, også det kr 500 000 per år. Dei delte no ut kr 276 000 til 18 søkjarar. Totalt var det 60 søknader og 2,4 mill. kroner. Sjå meir her. 
 
(5/5-2001)
Kroken/Moldestad med ny plate
Den nye plata "Spindel" blir slept i Bergen 14. mai på Tracteur (Bryggen) kl 20. Les meir om månadens artist her.
(10/5-01)
4 bestillingsverk på Telemark- festivalen
Det eine er det Øyonn Groven Myhren og Odd Nordstoga som står bak, med tekstar til Aslaug Vaa. Berit Opheim skal også framføre delvis nykomponert stoff. Like eins kvedarane på opningskonserten, og "Den ramme slåtten" som er eit rocka Myllargutprosjekt. Meir her.
(5/5-2001)
Egil Bakka aktuell som generalsekretær i ITCM - International Council for Traditional Music. Han kom med i styret for nokre år sidan. Tilsettinga vil truleg  skje i vår/sommar. Meir her. 
  (5/5-2001)
Folkemusikk og bunad på skarverennet
På årets Skarverenn var det 14000  deltakarar, og dei vart møtt med folkemusikk og bunadkledde funksjonærar då dei kom i mål: Kvarts spela og Steinar Ofsdal. Dei deltok også på festen etterpå.
 
(5/5-2001)
Den Norske Folkemusikkscena
er no inne i sitt andre år av 3 prøveår. Det er Kulturdepartementet som har gjeve pengar til prosjektet som er eit samarbeid mellom LfS og NFD. Styringsgruppa på 5 har 3 frå LfS (Gunn Gausemel, Per Tronsaune og Magnar Sundt), og to frå  NFD ( Jan Lothe Eriksen og Jon Anders Halvorsen). Prosjektet har ei fast folkemusikkscene i Oslo som fungerer svært godt. Også  folkemusikk- pøbb'ane går fint. Det er også etablert  folkemusikkscener i Bergen, Ål i Hallingdal, Vågå, Bø og Øystre Slidre. Meir her.
 
(5/5-2001)
Trond Ole Haug attvald i LfS
På årsmøtet på Røros 1. helga i mai 2001 i Landslaget for spelemenn vart Haug attvald som leiar - denne gongen for halvanna år. Årsmøtet skal heretter vere i november.
 
(5/5-2001)
Åpen klasse på Landskappleiken ?
I talen sin til Årsmøtet i LfS gjekk Trond Ole Haug inn for at det skulle bli opnen klasse på Landskappleiken. Det var saka med Glåmos spellemannslag sin siter som utløyste diskusjonen. Meir herog her.
 
(5/5-2001)
Utredninga om folkemusikken og folkedansen ferdig på nyåret 2001. 
Det opplyste kulturforskar Georg Arnestad på Rff sitt representantskaps- møte hausten 2000. han står i spissen for utgreiinga. Det var Rff, NFD, LfS og NU som bad Norsk kulturråd om å sette i gang dette arbeidet. Arnestad har intervjua ein del sentrale personar i miljøet. Han uttaler elles at den norske staten aldri har teke folkemusikken og dansen på alvor, og meinte at ein må få dette inn i den komande kulturmeldinga.
Desember 2000.
 
Plateselskapet NORCD fyller 10 år, 
og det vart markert 18. og 19. januar med konsertar. Sjefen sjøl er Karl Seglem. Selskapet har så langt gjeve ut i alt 39 titlar innan folkemusikk jazz. Heimesida til selskapet er her.
 
Tore Hansen i Bergen - mannen bak Troldspelet og Folkemusikkens venner
Han er intervjua av Nationen, og klagar over at det er lite støtte å få. Les meir i intervjuet her. Oktober 2000
Vellukka NU-haustsamling i Bergen
I slutten av oktober 2000 var det ei breitt opplagt samling i kulturbyen Bergen. Over 130 var samla til dei ulike seminara i teater, bunad og folkedans. På songdansseminaret var det heile 66 som deltok.
 
Universitetsstudiet i Bunad og samfunn
kom i gang hausten 2000 med 23 studentar, 19 kvinner og 4 menn frå 22 til 58 år melder "Norsk Ungdom" 4/2000. Det var i alt 55 søkjarar. Studiet er eit samarbeid mellom Universitetet i Bergen og Folkekulturforbundet. Studentane møtes ulike stader til helgesamlingar, såleis på Voss, Fagernes og Røros.
 
Fin årsfest i Laget for Folkemusikk i Oslo
Det var godt frammøte til årsfesten den 14. desember 2000. Det var minneord om mangeårig æresmedlem i laget Arne Røine, som nyss hadde gått bort. Etter velsmakande vossakorv, vart det ein svært fin konsert med Hauk Buen, som fekk velfortent applaus. Han fekk også god avsetnad på den nye CD'en sin.
 
 
Ulrik i Jensestogun 150 år
Den 5. desember 2000 var det 150 år sidan Audal-spelemannen vart fødd, og det vart markert med jubileumsfest i Aurdal. Elisabeth Kvære stod i brodden for tilskipinga der mellom andre Håkon Asheim spela både runddans og springarlæte. Musikk som vart utgitt på CD i 1992. Vårflaumen spel- og dansarlag stod bak den vellukka festen.
 
NFD-årsmøtet 2001 på vert på Folkemusikksenteret på Prestfoss 24. mars. Her blir det ei brei drøfting av stoda for folkemusikken og dansen ved starten av eit nytt hundreår. Det blir også konsert og dans med Tore Bolstad, Helene Høye, Harald B. Knutsen og Lars Underdal.  
 
Ny lærebok om norsk folkemusikk og folkedans: Ekko 1. ( Gyldendal aug 00) Dette er ei bok for studieretninga Musikk, Dans og Drama tilpassa læreplanen av 1997. Sentrale forfattarar om norsk folkemusikk og dans er Leif Solberg, Hilde Sørnes og Vegard Vårdal.
 
Heftig debatt om CD'en til Nils Økland "Straum"
Særleg i Kvinten - meldingsbladet til Norsk folkemusikk og danselag har debatten vore liveleg, og har no også blitt referert i Ballade. Plata har vorte godt motteken i utlandet.
 
Nominert til Edvardprisen for 2000
Det var 18 nominerte, og mellom dei var Annbjørg Lien for komposisjonen W, skreve til minne om felespelaren Hans W. Brimi. Tone Hulbækmo og Hans-Fredrik Jacobsen var også mellom dei nominerte, for bestillingsverket Babels forståelse til fjorårets Førdefestival, der ideen var å sameine folkemusikk frå fleire verdsdelar. Ingen av dei to verka var mellom dei 6 som fekk prisen, som vart utdelt 29. oktober 2000.
 
Norske folkeviser gjennom tusen år - ei ny omfattande samling folkeviser, redigert av Lilleba Lund Kvandal, utgjeven på Cappelen sumaren 2000. Les meir her.
 
Norsk kulturmønstring i Betlehem 19 - 23 september 2000. Her deltok Mari Boine og Oslo Kammerkor, og også gruppa Fjøgl (Nordfjord-jentene) og dansarar frå Valdreslaget. Dei vekte oppsikt! Aftenposten rapporterer ein flott kommentar frå ein palestinar: "Kvifor i all verda skal jenta halde hatten så høgt på stokken at guten har problem med å spenne han ned?"
 
 
Dansbeskrivningar - ei flott svensk side
Denne svenske sida har 600-700 rettleiingar til folkedansar. Eit verkeleg fint tiltak til støtte for alle som driv med folkedans. Det neste må vere å få lagt inn lyd til dei ulike dansane! Og i neste omgang også video som viser dansen! Skal vi få noko liknande i Noreg?
 
Vellukka trekkspeltreff i Geiranger 1-3 september 2000. Belgiaden feira 20-årsdag denne helga. Kjell Opsal og Ørskog trekkspelklubb har vore primus motor for desse treffa på Hotel Union. I år var også Hot Club de Norvege med.
 
Stensgårdskroken feira 20 år hausten 1999
Stensgårdskroken spell og danselag i Nannestad feira 20 år med stor fest og konsert 23. oktober 1999. Det er eit aktivt lag med rundt 150 medlemer, torader- gruppe, dansegruppe og juniorgruppe. På konserten/dansen hadde dei vitjing av nokre av dei mest kjende orkestra i landet: Hallingdal kraftlag, Nye Ringnesin, Visdals kvintett, dølalæte, Vågå toradergruppe og Småviltlaget.
 
Dagne Groven Myhren fylte 60 år 19 september 2000.  Ho er ei av våre fremste kvedarar, og saman med Agnes Buen Garnås var ho med å starta den nye interessa for vokal folkemusikk kring 1970, mellom anna gjennom aktiviteten i Club 7. Ho er også professor i litteratur.
 
Per Anders Bune Garnås - drygt 20 år - vart også i år best i Fanitullkåringa 2000 under Folkemusikkveka på Ål søndag 4. juni. Dermed vann han kr 15000 og fekk andre napp i Olav Thons pokal. På andre plass kom den unge overraskingsmannen Jan Beitohaugen Granli frå Valdres, føre favoritten Knut Hamre frå Hardanger. Under  den veka festivalen varde, var det vel 3000 innom arrangementa, ein auke på 20% frå ifjor. 
Per Anders frå Telemark går på spelemannsskulen på Voss. Han er sonen til  Agnes Buen Garnås, og Knut og Hauk Buen er onklane hans, så han har mykje å slekte på.
 
Nyoppdaga folkemusikk  frå Stordal på Sunnmøre. 
Spelemann og folkeminnegranskar Jostein Fet har nyleg gjenoppdaga ei stor samling med slåttar, religiøse folketonar, kjøkemeisterviser, gamaldans og viser etter stordalingen musikkløytnant Peter Jøsvold (1865-1953). Fet fann dei ved Norsk Musikksamling i Oslo. Mykje fin musikk etter Jøsvold var også kjent frå før, og til saman er det no ca 900 titlar etter han, 400-500 av dei frå Sunnmøre, mest frå Stordalen. Jøsvold gav samlinga til Norsk Musikksamling i 1940.
 
Spelemannen Leif Neset frå Skien vart tildelt Kongens fortenestemedalje for lang og tru innsats for folkemusikken på Porsgrunnsdagane 2000
 
Under Jørn Hilme-stemnet i juli 2000 var det slepp på ein ny CD med gamle opptak av storspelemannen Olav Moe frå Vestre Slidre. Opplaget er på 1000. CD'en kjem på eit nytt plateselskap i Valdres: "ta:lik". Distribusjon via Musikkoperatørene.
 
Kven har makta? Bladet Musikk Kultur har laga ei kart- legging av musikkmakta i landet. Innan gruppa Jazz/folke/verdensmusikk kjem Egil Bakka høgt opp både når det gjeld formell og symbolsk makt. Litt lenger nede finn vi Trond-Ole Haug, medan Jan Lothe Eriksen "ligg langt bak". Annbjørg Lien blir stadig viktigare som artist, og truar snart Knut Buen som symbolet på norsk folkemusikk, blir det hevda. Elisabeth Kværne, Sven Nyhus og Leif Rygg blir nemnt mellom dei som er "på veg ned".
 
Torbjørg Åmlid Paus er død
Ho var kjent kvedar og dansar frå Setesdal, og var gjennom heile livet ein kulturberar av rang, og ein svært god ambassadør for folkemusikken. Ho var æresmedlem i LfS, i Kristiansand sspelemannslag og Setesdal spelemannslag og hadde Kongens fortenstmedalje i gull. Ho var deltakar og domar på mange kappleikar, og instruerte mykje i folkedans.
 
Tilskot til musikkfestivalar i 2000 frå Rikskonsertane viser mellom anna: Folkemusikkdagane Ål kr 350 000, Viser ved kanalen kr 50 000, Førde I. folkem.-festival kr 1500 000,  Telemark-festivalen kr 650 000. Totalt fekk 37 festivalar kr 20 mill.
 
Myllarguten, fødd i 1801 eller 1799?
Den siste tida har det vore ein del debatt om Myllarguten - Torgeir Audunson Øygarden. Som kjent blir det planlagt jubileum i 2001. Debatten går på fødelsår, fødestad og om han var ekte eller uekte barn. I nr 4/00 av Spelemannsbladet har Johan Vaa ein innhogg der har tilbakeviser at fødelsåret skulle vere 1799. 
 
Johan Krogsæter frå Vatne på Sunnmøre døde 10. mai 77 år gamal. Han var ein ihuga målmann, var aktiv i BUL/Oslo i mange år, redaktør i Spelemannsbladet og skreiv mellom anna Leikarringen i BULs 50-årssoge. Aktiv EU-motstandar og sogelagsmann.
 
Kvedaren Berit Opheim (33) frå Voss har fått Forbrukersamvirket sin kulturpris på kr 100000. for 2000. Berit er  timelærar ved Norges Musikkhøgskole og lærar i halv stilling ved Ole Bull Akademiet. Ho har bakgrunn mellom anna frå Norges Musikkhøgskole og Bergen Musikkon- servatorium.
 
Midlar frå  Musikkverkstedsordningen er tildelt for 2000. 8 mill. til jass, rock, folkem. og verdensm. Meir info her, og liste over tildelingar
 
Statsstipend for folkemusikarar for 2000 er utdelt. Gunnlaug Lien Myhr,  Alf Tveit, Egil Ssyversbråten og Tron Westberg har fått arbeidsstipend på kr 145000, Alf og Tron toårig. Så har Mari Eggen og Sinikka Langeland fått reisestipend på ca kr 20000.
For 1999 gjekk eittårige arbeidsstipend på  kr 141000 til Ragnhild Furholt, Håkon Høgemo, og Olav Vindal. Sturla Eide Sundlid fekk reisestipend og stipend til eldre kunstnarar til Erling Kjøk og Håvaard Kvandal.

 
Årets spelemannspris. Sven Nyhus fekk heidersprisen for eit framifrå arbeid for folkemusikken gjennom mange år. Kvarts fekk prisen for beste plate i kategorien folkemusikk/gamaldans.
 
Sekkepipeorganisasjonen sekkepipe.com vart skipa etter seminaret på Gjøvik i februar.
 
Sven Nyhus vart utnemd til æresmedlem i Norsk Folkemusikklag på årsmøtet i Bergen i februar 2000.
 
Småviltlaget vart vinnar av Kappspell 99 på TV, med Jutullaget på andre og P.A.Røstad jr. på tredje plass.
 
 
 
Hauk Buen med si første solo-CD
I november 2000 kom Hauk Buen med si første solo CD -"Feledåm" - ei plate mange har venta på. Han har gjeve ut LP og kassettinnspelingar før, men dette er den første på CD. Buen Kulturverkstad har stått for innspelinga. Desember 2000.
 
Jon Anders Halvorsen på kaffikvelden i Leikarringen Symra.
I mars var dansarane i Symra heldige, då dei fekk oppleve fin folkesong ved Jon Anders Halvorsen. Her er eit glimt av songaren, og bordsetet.
 
Hareid gamaldansklubb med danse- seminar 
På  Hareid er det ein aktiv gamaldansklubb som også driv med turdans og litt songdans. Dei har øving kvar 14. dag, og iblant har dei øvingar og festar saman med liknande klubbar i grannebygdene. Ein gong for året har dei helsgeseminar, der dei inviterer gjeste-rettleiarar. Her er eit par glimt frå seminaret deira i mars 2001.
 
Magnar Sundt positiv til Brussel
Magnar Sundt og Øyvind Kvile - kjende menn i folkemusikk-Norge - har vore i Brussel, og IdaLou Larsen i Nasjonen har intervjua dei. Les her.
Desember 2000.
 
Intervju med Odd Nordstoga
Musikaren Odd Nordstoga - mellom anna kjent frå gruppa Blåmann - har blitt intervjua av Nationen. Les her.
November 2000.
 
NRKs folkemusikk på internett?
I Aftenposten (24/9-00) luftar Leiv Solberg planar i NRK om at heile deira rikhaldige folkemusikkarkiv kan bli tilgjengeleg på Internett. Frå 1934 har programleiarane i Folkemusikk- halvtimen (Eivind Groven, Rolf Myklebust, Sven Nyhus og Leiv Solberg) samla ca 50000 opptak med norsk folkemusikk. Berrre ein liten del av dette er til no gjort tilgjengeleg på CD etc. Det går lastebilar med band til Nasjonalbiblioteket i Mo i Rana for å bli kopiert digitalt. Når dette arkivet kan bli tilgjengeleg er usikkert - det er mest eit økonomisk og opphavs- rettslege  problem. Dette er ei stor nasjonal oppgåve som vi vonar kan bli realisert så snøgt som råd.
 
Drengeleik - ei folkedansgruppe berre for karar!
 
Åtte potte med fin konsert i Oslo i november 2000.
Gruppa består av dei 8 avgangs- elevane på siste kullet frå Ole Bull Akademiet på Voss. Dei hadde lagt vekt på samspel og samsong i mange ulike variantar, men også litt solo. Dei hadde fortent eit endå større publikum. Her er nokre glimt frå konserten deira.
 
Musikkpris til to søstre frå Valdres
Aftenposten melder 1/9-2000 at søstrene Eldbjørg (10)  og Ragnhild (12) Hemsing frå Aurdal i Valdres har fått kvart sitt stipend på 30000kr  under ein matine på Baratt Dues Musikkinstitutt i Oslo. Stipendet er for stor kreativ og kunstnarleg utvikling. Dei to spelar fele og hardingfele. Dei reiser kvar veke til Oslo for å få speletimar.
 
Demonstrasjonstoget gjennom Oslo, laurdag 23. september viste drakter og plakater frå demonstrasjoner gjennom hundreåret som ledd i 1000- årsfeiringa Også BLS var med med spelemann , den gamle Fylkeslags- fana, men berre tre (!) dansepar. Det kunne vore betre oppslutning!
 
Spelemannen Olav P. Hjelvik 80 år, torsdag 24. august 2000. Han vart heidra med stor samkome på Romsdalsmuseet. Hjelvik har gjennom fleire mannsaldrar lagt ned eit stor arbeid for folkemusikken i Romsdal. "Dåm og Drag" og mange andre orkester spela, mellom anna framførde Romsdal spelemannslag "Heidersvals til Olav P."
 
Fin brosjyre frå Folkekultur- forbundet
Ein dag i september fekk vi i handa ei fin brosjyre om Folkekulturforbundet. Meir her!
 
Songdansseminar i NU er 27-29/10- 2000 i Bergen. Det er også bunadseminar då. Det er eit allsidig program, med kjende innleiarar, mellom andre Ingar Ranheim, Elin Grytting, Tor Stallvik og Martin Henriksen, Lee Otterholt. Også leikfest, teater, Fjellbekken Spelemannslag etc. Meir info hjå NU.
 
Høgskolen i Nesna satsar på folkemusikkopplæring, saman med rock, jazz og viser. Våren 2000 var det første kullet på 13 ferdig, og dei fekk gode karakterar. Det er 6 samlingar på 1-2 veker kvar. Praktisk og teoretisk arbeid går hand i hand. I år var m.a. Tor Dybo og Ove Larsen mellom lærarane.
 
Kurs i Færøydans på Færøyane
 13-15 oktober 2000. Kurskostnad ca 2800 sek. Info: ktl@novo.dk Påmelding snarast til NU.

Årbok for norsk folkemusikk 2000 er i sal, og har eit variert og godt innhald som vanleg.
 
"Bygdedansen i eit tidsskilje" var namnet på seminaret under Folke- musikkveka på Ål i 2000. Jan Petter Blom og Egil Bakka var innleiarar og det kom fram mange interessante synspunkt, mellom anna på bygdedansen som framsyningsdans og bruksdans.
 
På Fylkeskappleiken i Telemark 3. juni 2000 vart Anne Hytta best i klasse A, Torgeir Strand i B, Ottar Kaasa i C, Kjell Hove og Olav Sem i kveding. Olaug Slåtta og Olav Sem var best i dans A.
 
Susanne Lundeng  kom med ny CD, 23. mai 2000, og alle låtane har ho skreve sjølv!
 
Ål-veka 2000 vart ein stor suksess også i år. Det blir rapportert om 3000 selde billettar - ca 20% auke - og ca 250 aktørar.
 
Olav Sæta fekk Rff-prisen for 1999, sæleg for sitt store arbeid med Feleverket "slåtter for vanlig fele", for folkemusikkarkivet i Engerdal og anna viktig arbeid for folkemusikken.
Tidlegare prisvinnarar sjå her
 
Annbjørg Lien si heimeside er spennande og flott!
 
Anette Torsheim (19) frå Radøy vinnar  i trekkspel: NM, Titano og Landsfestivalen. Ho skal byrje på Kungliga Musikhøgskolan i Stockholm der Unni Løvlid også skal gå.
 
"Bygda dansar" - eit prosjekt som Rff står bak fekk i 1999 kr 140000 frå Kulturrådet. Tanken er å prøve ut ein meir profesjonell presentasjon av tradisjonsdansen i Noreg. Sogn og Fjordane er prøvefylke. Ei kjerne- gruppe på ca 30 dansarar skal få opplæring og utgjere eit fast ensemble som skal reise rundt og syne fram tradisjonsdans.
 
Dei frivillige barne og ungdoms- organisasjonane opplever dramatisk reduksjon i meldemstalet - frå 900000 i 1978 til 300000 i 2000. Norges Bygdeungdomslag hadde i 1980 13600 medlemer og i dag under 2600. (kjelde Nationen 11/7-2000)
 
Gruppa Vestafolk 
er ei interessant nyskaping i Sogn og Fjordane. Fylkeskommunen har teke initiativet til gruppa som skal arbeide fram mot ei scenisk framsyning basert på norsk folkedans og folkemusikk - ei framsyning med både tradisjon og fornying. Gruppa byrja arbeidet i starten av 2000 og møtest til helgesamlingar. Spelemannen Sigmund Eikås er prosjektleiar, og fylkes-musikar Øyvind Lyslo og regissør Torgeir Leivdal  hjelper til.

Desse er med i gruppa:
Unni Løvlid (vokal), Sigrid Terese Moldestad (fele/hardingfele), Liv Merete Kroken (h-fele/fele), Gro Marie Svidal (dans/h-fele), Synnøve Børset (h-fele/fele), Britt Pernille Frøholm (h-fele/fele), Bjørn Ravnestad (trekkspel/torader), Morten Vigdal (dans), Anne Kristin Haugen (dans), Eva Kristin Svidal (dans), Audun Sølvberg (dans), Tove Kristin sølvberg (dans), Olav Hope (dans).
 

 
Dansbeskrivningar - ei svensk side som har 600-700 rettleiingar av folkedansar, mest svenske. På tide vi får noko liknande i Noreg?
Sjå også denne sida, som har mest gamaldans.
 
(des  2000)
Noregs Ungdomsring
NU vil satse på ungdomsringane rundt om i landet, og etter kvart utvikle eit nett av spesielt kvalifiserte ungdommar innan folkedans og folkemusikk. Tanken ar at det på litt sikt kan utvikle seg til ein representasjonsring som kan vise folkedans og folkemusikk nasjonalt og internasjonalt. Første samlinga blir på NU-stemnet i 2001. Dette skriv NU i Dansarliv 1/2001
 (mars 2001)
Chateau Neuf Spelemannslag
gjer det godt. I mars 2001 kom den siste plata ("Curing Norwegian Stiffness"). Frå før har dei gjeve ut to plater her i landet ("Tjuvgods" og "Spell"), og to plater i utlandet. Dei utanlandske er "Gamle Guro" på det tyske selskapet Feuer & Eis, og "Stolen  goods" på det amerikanske North Side. Begge desse har selt godt og fått fine omtalar og prisar.
  
 (april 2001)
Torbjørg Åmlid Paus er død - den kjende kvedaren og dansaren frå Setesdal.
 
Kven har makta?
Bladet "Musikk kultur" har laga ei "maktutredning", også innafor folkemusikken. Meir her.
 
Ny leiar i NU
Johan Einar Bjerkem, Nord-Trøndelag, vart vald til leiar i NU i Stavanger i juli 2000. Det vart også andre utskiftingar i styret.
 
(juli 2000)
Groven-jubileum i 2001.
I oktober 2001 er det 100 år sidan Eivind Groven vart fødd i Lårdal i Telemark. Groven gjorde ein stor innsats også for folkemusikken i Norge og jubileet vil bli markert på mange måtar, mest i Telemark. Årboka for NFD 2001 blir ei rein Groven-årbok. 
  
(jan 2001)
Nye A-klassingar ved Landskappleiken på Voss 2000 - og tidlegare - liste her!
 
(aug 2000)
Norsk husflid på nye frimerke
Motiva på de tre frimerka er  tægerbinding, neverfletting og bunadssaum. Det er designeren Enzo Finger som har utformet dei, og dei har verdiane kr 4,-, 4,50 og 7,-. Dette gjeld frimerke på rullar.
 
Studentar på Musikkhøgskolen
Det er fleire studentar i folkemusikk på Norges Musikkhøgskole i Oslo enn før. Dei har også spelemannslag: Majorstuen spelemannslag. Her er oversyn over noverande og tidlegare studentar og lærarar.
 
(nov 2000)
NRK-arkivet tilgjengeleg på Internett? Les meir her!
 
www.ballade.no - ei ny informasjonsavis for musikk på nettet. Også folkemusikk får plass her. Norsk Musikkinformasjon
står bak tiltaket og redaktør er Arvid Skancke-Knutsen
 
Bunader og rasisme
Det redaktør i Norsk Husflid Nina Granlund Sæther har sagt om bunadsying og innvandrarar har vekt stort oppstyr. Les meir her
 
Oslo-drakta er populær
I samband med 1000-års jubileet i Oslo vart det utarbeidd ei Oslodrakt av Eva Lie Design. Syerske Liss Pettersen fortel til Aftenposten 29 mai at ho har laga 295 drakter. Heimen Husflid sel også drakta, og dei rapporterer om 220 selde drakter.
 
Den 17. mars 2000 fekk Olga Breivik frå Fana kongens medalje i sølv for innsatsen sin for folkedrakt- og bunadarbeid. Ho har arbeidd lokalt og sentralt i NU og i Bunad og Folkedansrådet.
 
Bolstad-ensembelet med CD
Sumaren 2000 kjem den første CD'en - "Blomsten i Stryn", samtidig med at det er 125 år sidan Per Bolstad, "Mellom-Peren" vart fødd. På CD'en er det okså nokre gamle opptak med Per sitt eige ensemble frå 1946, og Stryn mannskor. Medlemene i orkesteret er frå Stryn og leiar er Arne M. Sølvberg.
 
Bunadavdelinga ved Husfliden i Ålesund har fått inngang frå gata. Her ser du inn i utstillingsvinduet. Den vanlege mannsbunaden frå Sunnmøre, som det går mest av, kjem på ca 12000 kr, medan den nye folkedrakta blir meir enn dobbelt så dyr (berre handsam).
 
Titanofestivalen 2000 på Vinstra
vart ei stor mønstring av trekkspelmusikk. Nærare 10000 var innom festivalen, og 600 camping-einingar på festivalcampingen.Øivind Sandum (Lalm, 17 år) vann solistklassen for senior - som i fjor. Inge Gjevre og Jon Karusbakken (Vågå) vann duettklassen. Best i orkesterklassen vart P.A.Røstad jr's orkester (N.Trøndelag), med Grindstuen og Midtli's tett etter på andre plass. Her er meir å lese.
 
EDNA - ny platebutikk for norsk musikk opna rett før jul 1999 i Musikkens hus Tollbugata 28 i Oslo. Der har også Lfs og NFD sine kontor.
 
Stor serie Svensk folkemusikk er gitt ut  - 28 CD'ar frå Sveriges Radio og Caprice Records. Stor breidd og topp kvalitet. Kan kjøpast hjå Musikklosen AS, tlf 22198282.
 
Annbjørg Lien si plate "Baba Jaga", oppkalla etter den russiske heksa, lanserte også si nye verdensmusikkplate i Berlin i mai. Plata vart først lansert i Noreg i november 1999.
 
Sven Nyhus ga i 1999 ut 5 CD'ar med Røros-polsar - 132 til saman. Eit standardverk i norsk folkemusikk.